Mazimuriyaa 121 - Geeshsha Mas'aafaa

S'oossay Nuuna Naagiyaawaa

Pudetsaa kesiidde yes's'eedda yetsaa

¹ Taani d'ok'k'u gaade wogga deretuwaa s'eellay; taw maaduu hak'appe yanddeeshsha?

² Taw maaduu saluwaanne sa'aa med'd'eedda Med'inaa Godaappe yee.

³ I ne gediyaa halis'issenna; neena naagiyaawe gem"ishenna.

⁴ Israa'eeliyaa naagiyaawe, ubbakka gisennanne gem"ishenna.

⁵ Med'inaa Goday neena naagiyaawaa. Med'inaa Goday new ushechcha baggana gidiide, neena kuwayiyaawaa.

⁶ Gallassi neena away meenna; k'ammakka aginay neena k'ohenna.

⁷ Med'inaa Goday k'ohiyaawaa ubbaappe neena naagana; I ne shemppuwaa naagana.

⁸ Med'inaa Goday ne buussaa, ne yuussaa, hachcheppe med'inaa gakkanaw naagana.