1 Oduwaa 6 - ጌሻ ማጻፋ

ቄስያ ኡባቱዋ ካፑዋ የለታ

¹ ሌዊያ ናናይ ገርሾና፥ ቃሃታነ ማራራ።

² ቃሃታ ናናይ አምራማ፥ ይጽሃራ፥ ከብሮናነ ኡዝኤላ።

³ አምራማ ናናይ አሮና፥ ሙሳነ ሚርያሞ። አሮና ናናይ ናዳባ፥ አቢሀ፥ ኤልኣዛራነ እታማራ።

⁴ ኤልኣዛረ ፒንሃሳ የሌዳ፤ ፒንሃስ አብሹአ የሌዳ፤ አብሹእ ቡቃ የሌዳ፤

⁵ ቡቅ ኡዛ የሌዳ፤

⁶ ኡዝ ዛራህያ የሌዳ፤ ዛራሄ ማራዮታ የሌዳ፤

⁷ ማራዮት አማርያ የሌዳ፤ አማር አህጹባ የሌዳ፤

⁸ አህጹብ ጻዶቃ የሌዳ፤ ጻዶቀ አህማኣቃ የሌዳ፤

⁹ አህማኣጽ አዛርያሳ የሌዳ፤ አዛርያስ ዮሀናና የሌዳ፤

¹⁰ ዮሀናን አዛርያሳ የሌዳ። ሶሎሞነ የሩሳላመን ኬጽሴዳ ጌሻ ጎልያ ኦዳ ቄሲ አዛርያሳ።

¹¹ አዛርያስ አማርያ የሌዳ፤ አማር አህጹባ የሌዳ፤

¹² አህጹብ ጻዶቃ የሌዳ፤ ጻዶቀ ሻሉማ የሌዳ፤

¹³ ሻሉም ህልቂያ የሌዳ፤ ህልቂ አዛርያሳ የሌዳ፤

¹⁴ አዛርያስ ሳራያ የሌዳ፤ ሳራይ ዮጸዴቃ የሌዳ።

¹⁵ መና ጎዳይ ይሁዳነ የሩሳላመ ናቡካዳናጾራን ኦሞድሴዳ ዎደ ዮጸዴቅካ ኦሞደቲደ ቤዳ።

ሌዊያ ዛራቱዋ ሀራቱዋ

¹⁶ ሌዊያ ናናይ ገርሾና፥ ቃሃታነ ማራራ።

¹⁷ ገርሾና ናናቱዋ ሱንይ ሊብናነ ሽምአ።

¹⁸ ቃሃታ ናናይ አምራማ፥ ይጽሃራ፥ ከብሮናነ ኡዝኤላ።

¹⁹ ማራራ ናናይ ማህላነ ሙሻ። ባረንቱ አዉዋ ጎለን ጎለን ጻፈቴዳ ሌዋቱ ያራቱ ሀዋንታ።

²⁰ ገርሾና ናአይ ሊብና፤ ሊብና ናአይ ያሃታ፤ ያሃታ ናአይ ዚማ።

²¹ ዚማ ናአይ ዮኣሀ፤ ዮኣሀ ናአይ እዳ፤ እዶ ናአይ ዛራሀ፤ ዛራሀ ናአይ ያአትራያ።

²² ቃሃታ ናአይ አምናዳባ፤ አምናዳባ ናአይ ቆራሀ፤ ቆራሀ ናአይ አሲራ፤

²³ አሲራ ናአይ ኤልቃና፤ ኤልቃና ናአይ ኤብያሳፋ፤ ኤብያሳፋ ናአይ አሲራ፤

²⁴ አሲራ ናአይ ታሃታ፤ ታሃታ ናአይ ኡርኤላ፤ ኡርኤላ ናአይ ኡዝያና፤ ኡዝያና ናአይ ሻኡላ።

²⁵ ኤልቃና ናናይ አማሳያነ አህሞታ።

²⁶ አህሞታ ናአይ ኤልቃና፤ ኤልቃና ናአይ ጾፋያ፤ ጾፋያ ናአይ ናሃታ፤

²⁷ ናሃታ ናአይ ኤልኣባ፤ ኤልኣባ ናአይ ይሮሃማ፤ ይሮሃማ ናአይ ኤልቃና።

²⁸ ሳመላ ናአይ ባይራይ ዩኤላ፤ ቴፋይ አቢያ።

²⁹ ማራራ ናአይ ማህላ፤ ማህላ ናአይ ሊብና፤ ሊብና ናአይ ሽምአ፤ ሽምአ ናአይ ኡዛ፤

³⁰ ኡዛ ናአይ ሽምአ፤ ሽምአ ናአይ ሀጊያ፤ ሀጊያ ናአይ አሳያ።

ጌሻ ጎልያን የጽያዋንታ

³¹ ዳዊተ ታቦታ የሩሳላመ አሄዳዋፐ ጉይያን፥ ማዝሙርያ የጻናዳን መና ጎዳዉ ጎለን ሱንዳዋንቱ ሀዋፐ ካሊደ ጻፈቴድኖ።

³² ሶሎሞነ የሩሳላመን መና ጎዳ ጌሻ ጎልያ ኬጻና ጋካናዉ፥ ጾሳ ታቦታይ ደእያ ዱንካንያ ስንን ኡንቱንቱ ማዝሙርያ የጺደ፥ ካላን ካላን ኦኖ።

³³ ባረንቱ ናናቱዋና እትፐ የጼዳዋንቱ ሀዋፐ ካሊደ ጻፈቴዳዋንታ። ቃሃታ ያራቱዋፐ የጽያዌ ሄማና። ሄማን ዩኤላ ናኣ፤ ዩኤል ሳመላ ናኣ፤

³⁴ ሳመል ኤልቃና ናኣ፤ ኤልቃን ይሮሃማ ናኣ፤ ይሮሃም ኤልኤላ ናኣ፤ ኤልኤል ቶሀ ናኣ፤

³⁵ ቶህ ጹፋ ናኣ፤ ጹፍ ኤልቃና ናኣ፤ ኤልቃን ማሃታ ናኣ፤ ማሃት አማሳያ ናኣ፤

³⁶ አማሳይ ኤልቃና ናኣ፤ ኤልቃን ዩኤላ ናኣ፤ ዩኤል አዛርያሳ ናኣ፤ አዛርያስ ጻፋንያ ናኣ፤

³⁷ ጻፋኒ ታሃታ ናኣ፤ ታሃት አሲራ ናኣ፤ አሲር ኤብያሳፋ ናኣ፤ ኤብያሳፍ ቆራሀ ናኣ፤

³⁸ ቆራህ ይጽሃራ ናኣ፤ ይጽሃር ቃሃታ ናኣ፤ ቃሃት ሌዊያ ናኣ፤ ሌዊ እስራኤልያ ናኣ።

³⁹ አ ዳቡ አሳፈ አ ኡሸቻ ባጋና ኤቄ። አሳፈ በረክያ ናኣ፤ በረኪ ሽምአ ናኣ፤

⁴⁰ ሽምእ ምካኤላ ናኣ፤ ምካኤል ባእሴያ ናኣ፤ ባእሴይ ማልክያ ናኣ፤

⁴¹ ማልኪ ኤታና ናኣ፤ ኤታን ዛራሀ ናኣ፤ ዛራህ አዳያ ናኣ፤

⁴² አዳይ ኤታና ናኣ፤ ኤታን ዚማ ናኣ፤ ዚም ሽምአ ናኣ፤

⁴³ ሽምእ ያሃታ ናኣ፤ ያሃት ገርሾና ናኣ፤ ገርሾን ሌዊያ ናኣ።

⁴⁴ ኡንቱንቱፐ ሀድርሳ ባጋና ኡንቱንቱ ዳቦቱ፥ ማራራ ያራቱ ኤቂኖ። ኤታን ቂሻ ናኣ፤ ቂሽ አብዳ ናኣ፤ አብድ ማሉካ ናኣ፤

⁴⁵ ማሉክ ሀሻብያ ናኣ፤ ሀሻቢ አመስያሳ ናኣ፤ አመስያስ ህልቂያ ናኣ፤

⁴⁶ ህልቂ አሞጻ ናኣ፤ አሞጽ ባና ናኣ፤ ባን ሸሜራ ናኣ፤

⁴⁷ ሸሜር ማህላ ናኣ፤ ማህል ሙሻ ናኣ፤ ሙሽ ማራራ ናኣ፤ ማራር ሌዊያ ናኣ።

⁴⁸ ኡንቱንቱ ዳቦቱ ሌዋቱ ጾሳ ዱንካንያዉ ኦናዉ ሱንቴድኖ።

አሮና የለታ

⁴⁹ ሽን አሮነነ አሮና ዘረቱ እጻና ጩዋዪኖ፤ ያርሽያ ሳኣን ጹግያ ያርሹዋካ ያርሺኖ። ጾሳ ቆማይ ሙሴ አዛዜዳዋዳን፥ ኡባፐ አያ ጌሻ ሳኣን ጎይንያ ጎይኖ ኡባዉነ ጾሳይ እስራኤልያ ናጋራ አቶ ጌተትያ ያርሾ አዎተይ ኡንቱንቶ ደኤ።

⁵⁰ አሮና የለታይ ሀዋፐ ካሊደ ጻፈቴዳዋ። አሮና ናአይ ኤልኣዛራ፤ ኤልኣዛራ ናአይ ፒንሃሳ፤ ፒንሃሳ ናአይ አብሹአ፤

⁵¹ አብሹአ ናአይ ቡቃ፤ ቡቃ ናአይ ኡዛ፤ ኡዛ ናአይ ዛራህያ።

⁵² ዛራህያ ናአይ ማራዮታ፤ ማራዮታ ናአይ አማርያ፤ አማርያ ናአይ አህጹባ፤

⁵³ አህጹባ ናአይ ጻዶቃ፤ ጻዶቃ ናአይ አህማኣጻ።

ሌዊያ ያራቱ ደኤዳ ሳአቱዋ

⁵⁴ አሮና ዛራቱ ባረንቱ ዛዋ ግዶን ደአናዉ ኡንቱንቱ ኡተዳን ኡንቱንቶ እመቴዳ ሳአቱ ሀዋፐ ካሊደ ጻፈቴዳዋንታ። ቃሃታ ያራቱ ኮይሮ ሳማ አኬድኖ።

⁵⁵ ሄ ሳማን ይሁዳን ደእያ ከብሮነ ካታማነ ከብሮነ ዩሹዋን ደእያ ሄን ጋደቱዋ ኡንቱንቶ እሜድኖ፤

⁵⁶ ሽን ካታማ ጎሻነ ካታማ ዩሹዋን ደእያ ሞቱዋ ይፉነ ናኣ ካሌባዉ እሜድኖ።

⁵⁷ አሮና ናናዉ አሳይ ባቃት ቢደ አትያ ካታማ፥ ከብሮነነ ሀራ ካታማቱዋ ያትራ፥ ሊብናነ ኤሽታሞአ አ ሄን ጋደቱዋ፥

⁵⁸ ሂለናነ አ ሄን ጋደቱዋ፥ ዳቢራነ አ ሄን ጋደቱዋ፥

⁵⁹ አሻናነ አ ሄን ጋደቱዋነ ቤት-ሸመሻነ አ ሄን ጋደቱዋ እሜድኖ።

⁶⁰ ቃይ ቢንያማ ዛራቱዋፐ ገባአነ አ ሄን ጋደቱዋ፥ አለሜቱዋነ አ ሄን ጋደቱዋነ አናቶታነ አ ሄን ጋደቱዋ እሜድኖ። አሮና ናናዉ እመቴዳ ካታማቱ ኡባና ታማነ ሄዛ።

⁶¹ ምናሰ ያራቱ ባጋቱ ጋድያፐ ታሙ ካታማቱዋ አቴዳ ቃሃታ ያራቶ ሳማን እሜድኖ።

⁶² ይሳኮራ ዛራቱዋ ጋድያፐ፥ አሴራ ዛራቱዋ ጋድያፐ፥ ንፍታሌማ ዛራቱዋ ቢታፐነ ባሳነን ደእያ ምናሰ ያራቱ ጋድያፐ ታማነ ሄዙ ካታማቱዋ ገርሾና ያራቶ ሳማን እሜድኖ።

⁶³ ሮቤላ ዛራቱዋ ጋድያፐ፥ ጋደ ዛራቱዋ ቢታፐነ ዛብሎና ዛራቱዋ ጋድያፐ ታማነ ላኡ ካታማቱዋ ማራራ ያራቶ ሳማን እሜድኖ።

⁶⁴ ሄዋዳን ኦደ፥ እስራኤልያ አሳይ ሌዋቶ ሀ ካታማቱዋነ ካታማቱዋ ሄራን ደእያ ሄን ጋደቱዋ እሜዳ።

⁶⁵ ቃይ ይሁዳ ዛራቱዋ ጋድያፐ፥ ስሞና ዛራቱዋ ቢታፐነ ቢንያማ ዛራቱዋ ጋድያፐ፥ ሀዋፐ ቆሞ ባጋና ባረንቱ ሱንን ጻፈቴዳ ካታማቱዋ ኡንቱንቶ ሳማን እሜዳ።

⁶⁶ ቃሃታ ያራቱዋፐ አማሬዳዋንቱ ባረንቱ ካታማቱዋ ኤፍሬማ ዛራቱዋ ካታማቱዋፐ አኬድኖ።

⁶⁷ ኡንቱንቶ አሳይ ባቃት ቢደ አትያ ካታማቱዋ፥ ኤፍሬማ ገዝያን ደእያ ሰኬማነ አ ሄን ጋደቱዋ፥ ገዜራነ አ ሄን ጋደቱዋ፥

⁶⁸ ዮቅማኣማነ አ ሄን ጋደቱዋ፥ ቤት-ሆሮናነ አ ሄን ጋደቱዋ፥

⁶⁹ አያሎናነ አ ሄን ጋደቱዋነ ጋተ-ርሞናነ አ ሄን ጋደቱዋ እሜድኖ።

⁷⁰ ምናሰ ዛራቱዋ ባጋቱዋፐ አኔራነ አ ሄን ጋደቱዋነ ብልኣማነ አ ሄን ጋደቱዋ አኪደ፥ ቃሃታ ያራቱዋፐ አቴዳዋንቶ እሜድኖ።

⁷¹ ምናሰ ዛራቱዋ ባጋቱዋፐ ባሳነን ደእያ ጎላናነ አ ሄን ጋደቱዋነ አስታሮታነ አ ሄን ጋደቱዋ አኪደ፥ ገርሾና ያራቶ እሜድኖ።

⁷² ቃይ ይሳኮራ ዛራቱዋፐ ቃዴሳነ አ ሄን ጋደቱዋ፥ ዳብራታነ አ ሄን ጋደቱዋ፥

⁷³ ራሞታነ አ ሄን ጋደቱዋነ አኔማነ አ ሄን ጋደቱዋ አኪደ፥ ኡንቱንቶ እሜድኖ።

⁷⁴ ቃይካ አሴራ ዛራቱዋፐ ማሻላነ አ ሄን ጋደቱዋ፥ አብዶናነ አ ሄን ጋደቱዋ፥

⁷⁵ ሁቆቃነ አ ሄን ጋደቱዋነ ራሆባነ አ ሄን ጋደቱዋ አኪደ፥ ኡንቱንቶ እሜድኖ።

⁷⁶ ሄዋዳንካ ንፍታሌማ ዛራቱዋፐ ጋሊላን ደእያ ቀዴሻነ አ ሄን ጋደቱዋ፥ ሀሞናነ አ ሄን ጋደቱዋነ ቅርያታይማነ አ ሄን ጋደቱዋ አኪደ፥ ኡንቱንቶ እሜድኖ።

⁷⁷ አቴዳ ማራራ ያራቶ ዛብሎና ዛራቱዋፐ ርሞናነ አ ሄን ጋደቱዋነ ታቦራነ አ ሄን ጋደቱዋ አኪደ እሜድኖ።

⁷⁸ ቃይ ሮቤላ ዛራቱዋፐ ያርኮ ባጋን፥ ዮርዳኖሳፐ ሄፍንን አዋይ ዶልያ ባጋና፥ መላ ቢታን ደእያ ቤኤራነ አ ሄን ጋደቱዋ፥ ያህአነ አ ሄን ጋደቱዋ፥

⁷⁹ ቅደሞታነ አ ሄን ጋደቱዋነ መፋኣታነ አ ሄን ጋደቱዋ አኪደ፥ ኡንቱንቶ እሜድኖ።

⁸⁰ ቃይካ ጋደ ዛራቱዋፐ ጋላኣደን ደእያ ራሞታነ አ ሄን ጋደቱዋ፥ ማህናይማነ አ ሄን ጋደቱዋ፥

⁸¹ ሀሰቦናነ አ ሄን ጋደቱዋነ ያእዜራነ አ ሄን ጋደቱዋ አኪደ ኡንቱንቶ እሜድኖ።