Mitiyegec 87 - Yoak kekehagocac Dzadzahac gboria nga Mitiyegec

Siong taonnu fingerec

Kora medacfora yeneng mitiyegec yofi heigec.

¹ kebungo tiki kpetiacfu taong mong faiu fede.

² kebungo Sionggac nagutoaac songotoa negemma Yakoboac ama noboha yeneac songo ifi mi negenude.

³ O Anutuac taong, geac yoacsiduc imoc damuyagoc. Selac

⁴ “Bangec areng goa ni negennudae, imoc kpacyunubade, Aigita nga Babirong amma Firisti yeneac bangec nga Tiro amma Etiopia, yeneng deandae, ‘Ngic yomoc ye ihai fingerec.’”

⁵ Engenatoango ye tatahau Sionnu faiu seria tarudeac amma Siong manaungoc degecde, “Ngic yomoc amma ngic imoc, yeni imohai fingecgec.”

⁶ kebungo bangec areng yeneac kpacngina kpedzucnema arengyunuma yofi ohoude, “Yomocngo ihai fingerec.” Selac

⁷ Yegec fede fedeac ngicngac sasawa yeneng yegec yofi dema heiandae, “Neac dokudzohong sasawa yeni Sionnu tacdae.”