Mitiyegec 3 - Yoak kekehagocac Dzadzahac gboria nga Mitiyegec

Ngicngacfora garengyunuude

Dawidingo medaha Absaronggac kicfunac worama yegec yofi heiec.

¹ O kebu, ngic ngabafocna yeni homac yombong nga ngic homacngo yacma nubeso andae.

² Ngic homac yeneng neac yofi deandae, “Anutungo ye ebicfunac naric mi mesiude.” Selac

³ O kebu, gennoc oronnuma kasona annec. Geng kuc nga kibikpergiagoc ambadeac anengkecma orucna memiacma meserinukecnec.

⁴ Ni kebuaru seria kiacba yeng kpetiac tikiyau tacma yoacna turunga merennenude. Selac

⁵ kebungo nanggenuude, imocac ni mafema monggoc yacbade.

⁶ Ngic teng taoseng nga noc yeneng habuya habuya kpedzucnema noboc nobocnac hama nubeso oronnugec ni yeneac mi kengecnuude.

⁷ O kebu, ge hama ebicfunac mesinuna. Anutuna, ge ngabafocna ngebacngina kpedzamema manganameme enacngina kpemoronggena mabeso.

⁸ kebu ye ebic mesi mesi mingina. Kebu, ge ngicngacfocga kenecnununa. Selac