Mitiyegec 150 - Yoak kekehagocac Dzadzahac gboria nga Mitiyegec

Kebu dengerebesonga

¹ kebu eriendzong memini, hallelu Yac. Anutu womongau eriendzong memibesonga. Yeac kurumenga kurumenga seria fekendae, ngeni imohai yaiyo kpemibisia.

² Kebungo kucfaka damu damuyagoc mekecde amma ye engenatoa kpembibihagoc, imocac yoyomo heimibesonga.

³ Ngeni trampet fifima udumeng meficgema ye dengerema yoming nga gita kpema udumeng meficgema heiwayong memibisia.

⁴ Ngeni tambaring kpema yegec fedema ye dengerema gitakurere kpema kungac fifima dengerebisia.

⁵ Ngeni kpeng kpema ye dengerema kpeng udumenga kunengngoc fifima dengerebisia.

⁶ Wiac sasawango asu heiandae, ngeni kebu eriendzong memibisia. kebu eriendzong memini, hallelu Yac.