Mitiyegec 137 - Yoak kekehagocac Dzadzahac gboria nga Mitiyegec

Babirong doku tegiau

¹ Neni Babirong bangecac doku tegiau tacma Siong negensima kiacma

² gitanina ic fawau gbedickeing.

³ Ngic yeneng menunuma kemma ebic meficgenemmegec, yeneng ubangerec meficgegecdeac degec, “Ngeni Sionggac yegec heigec negenni.”

⁴ Neni ine kuric bangecfu kecma kebuac yegec heinideac obohodimbe.

⁵ Yerusareng, ni geac nigecnuudeu marifoinango dzanggema kuha kpac ambeso.

⁶ Yerusareng imoc neac sogac sogaiac enaratoa, ni ifi mi negemma geac nigecnuudeu nedzarannango ngorucbonnau mendanggebeso.

⁷ O kebu, ngic yeneng Yerusareng kpetotiegec, naso imohai Edonggac ngic yeneng degec, “Kpembarackegec, kpembarackegec mama seringau wisickeu.” Kebu ge imoc negenna febeso.

⁸ O Babironggac naroang, ge kpetotiegugecdeac areng, imoc bic degenggec. Ge mangana anennecac ngic mong ye imocac turunga merenude, ye kenehagoc.

⁹ Mong ye geac sabac mema hoc peperandziu yunuma kpebucyunuude, ye kenehagoc.