Mitiyegec 131 - Yoak kekehagocac Dzadzahac gboria nga Mitiyegec

Wiac monggac mi ammide

Hombannu kekenggac yegec. Dawidingo yegec yofi heiec.

¹ O kebu, herenau sebiengeng mi anganduae nga ubakpekpe arennu kicna wi mi meemma fibade. Wiac kuneng me bibiagoc amma ni feracnuma neacsoc mi ande. Ni imocac negen negeng ua mi mebade.

² Ubaongana menomaneba waicke fede. Sabac mongngo nonggeaac namu nema waicke feande, ubaonganango ifi isoc waickema fekecde.

³ O Israe, ge yofinenggac amma nasoya nasoya Kebu negensina fora fingerudeac tomai kecbesena.