Mitiyegec 13 - Yoak kekehagocac Dzadzahac gboria nga Mitiyegec

Ge kicmesuga mi mesufuna

Yegecgareng yearu. Dawidingo yegec yofi heiec.

¹ O kebu, ebicna noc nasou wisickeude? Ge naso wisic wisickea kpac kecma neac mi nigecgubeso. Ge kicmesuga nearu mesufukecnec, ge faka imoc wanadeac tomai kecduae.

² Ni ubaebicgoc kecduae, imoc wisickeudeac tomai kecma ubahodung wenacsoc negengkecduae, imoc kpac anudeac tomai kecduae. Ngabafocna yeni firang anggec yeneac bageu kecduae, imoc wisickeudeac tomai kecduae.

³ O kebu Anutuna, ge neac negensima turunga merennenna. Ni homecfu heima febaiac kicnau kperagiga faina kecbesare.

⁴ Nocac ngabangicnango yofi debacac, “Ni firang bic andua.” ifi deu ni goroc goroc amma manubeso anu ye imocac sogaibacac meficnuna.

⁵ Geng yoac dedzege amma imoc modackecnecac negenseriguma kecduae. Geng ebicfunac mesinunecac amma ni heregoc geac desogai angkecduae.

⁶ kebungo gombunga anengandeac yegec heimibade.