Mitiyegec 129 - Yoak kekehagocac Dzadzahac gboria nga Mitiyegec

Ngicngacfora mefinunuude

Hombannu kekenggac yegec.

¹ Israengo yofi debeso, “Ni sebigborinaungoc kecbareng ngic yeneng ebic kunennu fainugec.”

² “Ni sebigborinaungoc kecbareng ngic yeneng ebic kunennu fainukecma firang mong mi anggec.

³ Bangec mendzic mendzic yeneng bangec mendzicgec areng fingecande, yeni ifi isoc ngadenau kpendzicgec areng herea fingecgec.”

⁴ kebu ye dindingac. Ngic Anutu ngadehema mangana megecdeac ayemmeande, yeng yeneac witic herecgema yungecnunuec.

⁵ Ngicngac Siong ubanginango ukuandae, yeni merengyunugec yeni game kpekpeu faiyunugec monggoc dzigenema kembisia.

⁶ Yeni ama witiau kpindzingngo erema bic homeande, ifi isoc ambisia.

⁷ Mekpedzuc ngicngo imoc meudeac maria mi sineude nga semeng dedeckeande, imoc mi abaranggema mekenude.

⁸ Ngicngac goa yeni kengha angandae, yeneng yofi naric mi degecde, “kebungo kenecngunuu. Neni kebuac kpacfu kenecngunudimbe.”