Mitiyegec 128 - Yoak kekehagocac Dzadzahac gboria nga Mitiyegec

Kebu eweheihei ammini

Hombannu kekenggac yegec.

¹ Ngicngac kebuac eweheiheigoc kecma yeac sing modacandae, yeni sasawango kenecnginagoc.

² Ge ua marigango mena fora fingeru menec amma sogac sogaigoc kecma naric kecnade.

³ Enenggango amaga manau kecde, ye waing ic fora homac amma nangande, ifi isoc anude. Nga nambaracfocga yeneng oriwa benama, ifi isoc tatacga yerecgema tackenggecde.

⁴ Negenggec, ngic mong kebu eweheimima kefude, yearu kenec ifinoc feude.

⁵ kebungo Sionnu kecma kenecguu. Yerusareng ye naric kecma wiac monggac mi obohoude, imoc hembesena.

⁶ Ge esafocga fingecgec yenennade. Ruaengo Israe areng yenearu febeso.