Mitiyegec 126 - Yoak kekehagocac Dzadzahac gboria nga Mitiyegec

Sionggac kekec mengerena

Hombannu kekenggac yegec.

¹ kebungo Siong monggoc mengereu ngicngacfora naric kecgec, naso imohai nenang negenni imoc gau negendimbe isoc anec.

² Nenang enacbibicfu dzomocngo wakeu sogac sogaiac yegecngo nedzaranninau feu bangec monnunac ngicngac botucnginau degec, “kebungo yeni wiac kuneng yombong ayemmeec.”

³ kebungo wiac kuneng yombong anemmeecac nenang sogac sogaingo mewakenunuude.

⁴ O kebu, ge Negewe bangec kisiu dokukperemeng gbangge gbanggea, yeni mengereyununa doku monggoc haande, ge ifi isoc monggoc mengerenununa naric kecni.

⁵ Ngicngac kickumagoc wiac homecandae, ngeni sogac sogaigoc arohoma fora megecde.

⁶ Ngicngac ngeni kiac ubamanganggoc kemma wit komoha tofohoma ngade wit gbomea bodangagoc tofohoma amanginau dzigene hama sogaima arohogecde.