Mitiyegec 124 - Yoak kekehagocac Dzadzahac gboria nga Mitiyegec

kebungo onggonnuude

Hombannu kekenggac yegec. Dawidingo yegec yofi heiec.

¹ Israe ngeni yofi debisia, “kebungo nenanggoc mi kecbacfu neni dafi ambesonga obohobing.”

² Ngic yeneng yacma nunubeso anggec, imohai kebungo nenanggoc mi kecbacfu

³ yeneng nenanggac herebu kuneng negemma gboringoc gbokonunubau.

⁴ Tunggbaungngo meicnunubac me doku dundungngo nebucnunubau.

⁵ Amma dokutoa kucnginagoc yeneng semenunudacbau.

⁶ kebu keneheni. Ye onggonnunuu yeneac enacfu mi ening.

⁷ Uficngic yeneng ufic faigec nga nengngo uficfunac woraande, ifi isoc woraing. Ufic imoc barackeu uficfunac woraing.

⁸ kebungo kurumeng nga bangec meficgeec. Nga memeficnina imoc yeac kpacfu fede.