Mitiyegec 123 - Yoak kekehagocac Dzadzahac gboria nga Mitiyegec

Ge neneac ubaga manganeu

Hombannu kekenggac yegec.

¹ kebu ge kurumenga kurumenga imohai ngictau tatacgau tacna ni kicna gearu fiba erede.

² Kingang ngic yeneng ngic kunengnginaac negeung kecandae nga kingang naroang yeni ngac kunengnginaac negeung kecma kic fiandae. Negenna, nenang ifi isocngoc kicnina kebu Anutunina, yearu fikecmina yeng nenanggac ubea manganebeso.

³ O kebu, ge ubamangang anemmena. Ngicngac yeneng homac deendema anemmegec imocac witiau kecdimbeac ubamangang anemmena.

⁴ Ngicngac goa yeneng ebiha kpac kecma desofoc anemmegec naso herea monggoc bic ande. Nga ngic goa yenanggac negenggec engena yombong angkecde, yeni ngadenunuma desusuic anemmekecgec ubaonganinango ebic imoc mekecma gebeckpede.