Mitiyegec 114 - Yoak kekehagocac Dzadzahac gboria nga Mitiyegec

Anutuac kicfu dzonoma fedebeso

¹ Israengo Aigita bangec wama erema kenec. O, Yakoboac areng yeni ngicngac kuricyoac dekecgec, yeni wayunuma kenggec.

² Yuda ye Anutuac womong kpetiac anec nga Israe imoc yeac eucererenga anec.

³ Kondung ye imoc hemma kpidohoma kenu Yodang doku dzigeneec.

⁴ Tiki yeneng rama ngiwango futuckeandae, ifi isoc futuckegec nga fagang yeneng ramamedaha yuma engemmama angandae, ifi isoc sogac sogaigoc yuma engemmama anggec.

⁵ Kondung ge kpidohoma woranec nga Yodang ge kpidohoma dzigenenec.

⁶ O tiki, ngeni kpidohoma rama ngiwa isoc futuckedae nga fagang ngeni kpidohoma ramamedaha isoc yuma engemmama andae.

⁷ O bangec, ge kebuac kicfu dendeng kpekecbesena. Ge Yakoboac Anutu yeac kicfu gbigbihebesena.

⁸ Yennoc hoc peperandzi seria heimerenu doku dzohong angkecde nga harongang heimerenu doku kiwa anude.