Mitiyegec 113 - Yoak kekehagocac Dzadzahac gboria nga Mitiyegec

Engentoango wosoefac anemmeude

¹ kebu eriendzong memibesonga, hallelu Yac. O, kebuac kingang ngicfora, ngeni kebu oyang boyang memima kebuac kpac kuneng heiwayong memibisia.

² kebuac kpac kuneng, imoc yaguc kenehema nasoya nasoya kenehekecbesonga.

³ Wenac ere ereaunac kengkecma wenac keme kemeau wisickede, imohai kebuac kpac kuneng heiwayong memibesonga.

⁴ kebungo bangeha bangeha ngicngac areng feracyunuma kecde. Yeac kuc kibikperagigoc, imoc kurumenga kurumenga feracyunuma emma feude.

⁵ kebu Anutunina kecde, ye isoc mongngo mi kecde, kpac yombong. Ye wi tatahau tacma

⁶ kiwa fiu mau kurumenga kurumenga nga bangec yenenude.

⁷ Yeng ngic makpekpea sendunnunac memiacyunuude nga ngicngac iwaiac obohoma kecandae, yeni hamaseucfunac meyunuu eregecde.

⁸ Eregec yeng ngictauac medacfocngina yenigoc tatacfu faiyunuu tacgecde. Ye ngicngacfora yeneac ngictauac medacfocngina, yenigoc faiyunuude.

⁹ Ye ngac kufing amagerec miu ye sabac nonggea amma sogaima kefude. kebu eriendzong memibesonga.