Mitiyegec 133 - Deduamiti

Kopocsic waemema kecbesonga

Hombannu kekenggac yegec. Dawidngo yegec yofi heiec.

¹ Negenggec, ngicngac daramuna ngeneng negen negengngina kpeturanggema ruaegoc kecandae, imocngo wiac songea yombong.

² Faka imocngo kerec homuna gombunga nga buma kuneng, imoc orucfu kpakegec mama ngebacdzo momoc nadzicmiande, ifi isoc. Imoc Aharonggac ngebacdzou mama ferecgema ngakpia ubiau ifingoc nadzicmiude.

³ Imoc Hermontikiac songoroc, ifi isoc. Kebungo Tsiontikiu keneha nga kekeha wisic wisickea kpac kpakenemmeude, imocngo imohai mama kecde.