Mitiyegec 125 - Deduamiti

Isracel ye ruaegoc kecbeso

Hombannu kekenggac yegec.

¹ Ngicngac Kebu negenserima kecdimbe, nenang Tsiontiki isoc. Wiac mongngo meu goroc goroc mi amma nasoya nasoya nangkefude.

² Tikingo Yerusalaim yerecgema tackendae, ifi isocngoc Kebungo ngicngacfora yerecyunuma yofinenggac nga nasoya nasoya ifi kecbesande.

³ Ngicngac dindingac yeni maringina sinema angammeme mangana ambauac. Ngic Anutu ngadehema mangana megecdeac ayemmeande, Anutungo yeni kpae heiyemmeu ngictau yasunginango ngic dindingac yeneac bangec naric mi garenggeude.

⁴ O Kebu, ngicngac gombunga nga herenginau ikoc nga hamangec mong mi fede, geng yeni faka gombunga ayemmena.

⁵ Ngicngac goa ine efaima sing mangana noboc noboc modacgec Kebungo yarengic meicyunuma yeni ifingoc yenigoc meicyunuu kenggec kpemeting ayemmeude. Ruaengo Isracel areng yenearu febeso.