Mitiyegec 120 - Deduamiti

Ruaengicac nunumu

Hombannu kekenggac yegec.

¹ Ni ebicgoc kecma Kebu kpacba yeng kiacna negemma turunga merennembeso.

² O Kebu, ngic goa enacbibicngina ikohagoc nga nedzarangnginaunac ngic ogofocngina tobangyunugecdeac yoac maande, ge yenearunac mesinuna.

³ Nedzarang ge ngicngac tobangyununadeac yoacgoc kecnec, ge yoacna negenna. Ge noc wiac anggembesonga? Amma geac turunga noc wiac gembesonga?

⁴ Wasaingic yeneac tebemedaha nga icngina gerecyohohagoc, imoc genggecde.

⁵ Ni nocac Mesek bangecfu kuric kecduae nga Kedar yeneac kporucamaac botucfu kecduae.

⁶ Ngicngac ruaeac modzongina tiande, ngic ifia yenigoc naso hereangoc kefaiac modzona tide.

⁷ Ni ruaengic nga ruaeyoac deba yeneng ine dzikacac ngic andae.