Mitiyegec 113 - Deduamiti

Engentoango wosoefac anemmeude

¹ Kebu eriendzong memini, hallelu Yac. O, Kebuac kingang ngicfora, ngeni Kebu oyang boyang memima Kebuac kpac kuneng heiwayong memibisia.

² Kebuac kpac kuneng, imoc yaguc kenehema nasoya nasoya kenehekecni.

³ Wenac ere ereaunac kengkecma wenac keme kemeau wisickede, imohai Kebuac kpac kuneng heiwayong memigec.

⁴ Kebungo bangeha bangeha ngicngacareng feracyunuma kecde. Yeac kuc kibikperagigoc, imoc kurumenga kurumenga feracyunuma emma feude.

⁵ Kebu Anutunina kecde, ye isoc mongngo mi kecde, kpac yombong. Ye wi tatahau tacma

⁶ kiwa fiu mau kurumenga kurumenga nga bangec yenenude.

⁷ Yeng ngic makpekpea sendunnunac memiacyunuude nga ngicngac iwaiac obohoma kecandae, yeni hamaseucfunac meyunuu eregecde.

⁸ Eregec yeng ngictauac medacfocngina yenigoc tatacfu faiyunuu tacgecde. Ye ngicngacfora yeneac ngictauac medacfocngina, yenigoc faiyunuude.

⁹ Ye ngac kufing amagerec miu yeng ihai sabac nonggea amma sogaima kefude. Kebu eriendzong memibesonga.