Fingec fingec 5 - Deduamiti

Adamgac siduc tosea 5:1–6:8

¹ Yomoc Adam esamedac nga ngabobangecfora yeneac kpac areng. Anutungo ngic meudeac dema yengena siric isocngoc meec.

² Ye ngic nga ngac meficyuruma kpacngira ngicngac, ifi kpacyuruma kenecyuruec.

³ Anu Adam ye kecma kifaya 130 ammanu medaha mong yengena siric isoc fingerec. Ye yengena ongea isoc fingeru kpara Set kparec.

⁴ Set fingeru ye kifa 800 torokpema kecmanu naroangmedacfora monggoc fingecgec.

⁵ Adam ye ifi kecma kifaya 930 ammanu homeec.

Set arengfora

⁶ Anu Set ye kecma kifaya 105 ammanu medaha Enos fingerec.

⁷ Anu Enos fingeru imohacnac kifaya 807 torokpema kecmanu naroangmedacfora monggoc fingecgec.

⁸ Anu Set ye kifaya 912 ammanu homeec.

⁹ Anu Enos ye kecma kifaya 90 ammanu medaha Kenan fingerec.

¹⁰ Anu Kenan fingeru imohacnac kifaya 815 torokpema kecmanu naroangmedacfora monggoc fingecgec.

¹¹ Anu Enos ye kifaya 905 ammanu homeec.

¹² Anu Kenan ye torokpema kecmanu kifaya 70 ammanu medaha Mahalalecel fingerec.

¹³ Anu Mahalalecel fingeru imohacnac kifaya 840 torokpema kecmanu naroangmedacfora monggoc fingecgec.

¹⁴ Anu Kenan ye kifaya 910 ammanu homeec.

¹⁵ Anu Mahalalecel ye kecma kifaya 65 ammanu medaha Yered fingerec.

¹⁶ Anu Yered fingerec, imohacnac kifaya 830 torokpema kecmanu naroangmedacfora monggoc fingecgec.

¹⁷ Mahalalecel ye kifaya 895 ammanu homeec.

¹⁸ Anu Yered ye kecma kifaya 162 ammanu medaha Hanoc fingerec.

¹⁹ Anu Hanoc fingeru imohacnac kifaya 800 torokpema kecmanu yearunac naroangmedacfora monggoc fingecgec.

²⁰ Yered ye kifaya 962 ammanu homeec.

²¹ Anu Hanoc ye kecma kifaya 65 ammanu medaha Metusela fingerec.

²² Ye medaha Metusela fingeru Anutugoc wegenac yombong kengkecma kifaya 300 torokpema kecmanu naroangmedacfora monggoc fingecgec.

²³ Ye ifi kefu kifaya 365 anec.

²⁴ Kengkecma Anutugoc wegenac yombong kemma yenigoc monggoc mi kefec. Imoc yofiac Anutu yengenaoc ye meec.

²⁵ Anu Metusela ye kecma kifaya 187 ammanu medaha Lamec fingerec.

²⁶ Anu Lamec fingeru imohacnac kifaya 782 torokpema kecmanu naroangmedacfora monggoc fingecgec.

²⁷ Metusela ye kifaya 969 ammanu homeec.

²⁸ Anu Lamec ye kecma kifaya 182 ammanu medaha mong fingerec.

²⁹ Fingeru yofi deec, “Kebungo bangec soweckeec imohai marininango uatoa kpendzenggoc mema kecmina medac yomocngo mekirinunuude. Ifi dema kpara Noa kparec.”

³⁰ Anu Noa fingeru imohacnac kifaya 595 torokpema kecmanu naroangmedacfora monggoc fingecgec.

³¹ Lamec ye kifaya 777 ammanu homeec.

³² Anu Noa ye kifaya 500 anuguc medacfora Sem nga Ham amma Yafet fingecgec.