Fingec fingec 36 - Deduamiti

Esawac siduc tosea 36:1–37:1 Esaw ye Secir bangecfu kefec

¹ Yomoc Esaw, kpara mong Edom yeac esamedacfora yeneac kpacareng.

² Esaw ye kenacangngic yeneac naroangfocngina yenearunac enengfora meyunuec. Mong imoc Ada hitingic mong kpara Elon yeac naroanga nga mong imoc hiwingic Tsiwecon medaha Ana yeac naroanga kpara Oholiwama.

³ Amma mong imoc Ismacel naroanga kpara Besemat imoc Newayot naina.

⁴ Nga Ada ye Esawac medac Elifadzi meec anu Basemat yeng Recucel meec

⁵ nga Oholiwama yeng ine Yecus nga Yacelam amma Kora meyunuec. Esaw medacfora imoc yeni Kenacan bangecfu fingecgec.

⁶ Anu Esaw ye enengfora nga naroangmedacfora amma ngicngac yenahafoc kecgec amma ramaburumaka nga donggikamele amma finacgedanga sasawa Kenacan bangecfu kecma medarec imoc medacma munia Yacakow wama sing herea yombong kemma bangec monnu kefec.

⁷ Yeri finacgedangira homac mekefocac yerahafoc tacyac anecdeac negenu osiu ye Yacakow wama kenec. Imoc yofiac, yeri ramaburumakafocngira seregurutoaac amma bangec kefoc imoc yeri yohockangngo yaka nganoc meficgeecdeac soha mi anec.

⁸ Imocac ye kemma Secir sifecfu kefec. Anu Esawac kpara mong imoc Edom.

Esaw esamedacfora

⁹ Anu Esaw ye edomngic Secir sifecfu kecgec yeneac kisicngina. Yomoc yeneac kpacareng.

¹⁰ Esaw medacfora yeneac kpacngina imoc yofiguc, Elifadzi ye Esaw enema Ada yeac medaha. Nga Recucel ye Esaw enema Basemat yeac medaha.

¹¹ Anu Elifadzi medacfora yofiguc, Teman, Omar, Tsefo nga Gacatam amma Kenadzi.

¹² Anu Esaw medaha Elifadziac wanacenema Timena yeng Amalek meec. Imoc Esaw enema Ada yeac esamedacfora.

¹³ Recucel medacfora imoc Nahat, Dzera nga Samma amma Midza. Imoc Esaw enema Basemat yeac esamedacfora.

¹⁴ Anu Esaw enema Oholiwama ye Tsiwecon medaha Ana yeac naroanga. Nga ye Esawarunac medacfora yofi meyunuec Yecus nga Yacelam amma Kora.

¹⁵ Anu yomoc ine Esawac esamedacfora ngictau kpac megec yeneac kpacareng. Esawac waracmedaha Elifadzi yeac medacfora yeni yofiguc, ngictau Teman, ngictau Omar, ngictau Tsefo, ngictau Kenadzi

¹⁶ ngictau Kora nga ngictau Gacatam amma ngictau Amalek. Elifadziarunac ngic imoc yeneng Edom bangecfu ngictau kpac mema kecgec. Ngic imoc yeni Adaac esafora.

¹⁷ Anu yomoc ine Esawac medaha Recucel yeac medacfora ngictau Nahat, ngictau Dzera nga ngictau Samma amma ngictau Midza. Imoc yeni Reuelac ngichabu Edom bangecfunac amma yeni Esawac enema Basemat yeac esafora.

¹⁸ Esaw enema Oholiwama yeac medacfora yeni yofiguc, ngictau Yecus nga ngictau Yacelam amma ngictau Kora. Nga ngictau imoc yeni Esawac enema Oholiwamaarunac fingecgec. Nga Oholiwama ye Ana naroanga.

¹⁹ Ngic imoc yeni Esawac esamedacfora nga ngictaufocngina. Anu Esawac kpara mong Edom.

Horingic Secir esamedacfora

²⁰ Anu bangec mingina horingic Secir yeac medacfora imoc yeni yofiguc, Lotan, Sowal, Tsiwecon, Ana,

²¹ Dison nga Etser amma Disan yeni Edom bangecfu kecgec. Ngic imoc yeneng Secirac medacfora amma yeni horingic habu fekenggec yeneac ngictaufocngina.

²² Lotanggac medachora imoc Hori nga Hemam nga Lotanggac naina imoc Timena.

²³ Anu Sowal medacfora imoc yofiguc, Alewan, Manahat, Ewal nga Sefo amma Onam.

²⁴ Anu Tsiwecon medachora imoc yofi, Aia nga Ana. Anaac siduc mong imoc yofi, ye mama Tsiweconggac donggihabu garenggekecma bangec ngiha kpacfu doku gereaac kiwa meficgeec.

²⁵ Nga Ana nambaracfora imoc yofiguc, Dison nga naroanga kpara Oholiwama.

²⁶ Nga Dison medacfora imoc Hemedan, Eseban nga Iteran amma Heran.

²⁷ Nga Etser medacfora yeni yofiguc, Bilhan, Dzacawan nga Akan.

²⁸ Nga Disan medachora Uts nga Aran.

²⁹ Nga horingic yenearunac ngictaufocngina yofiguc fingecma kecgec, ngictau Lotan, ngictau Sowal, ngictau Tsiwecon, ngictau Ana,

³⁰ ngictau Dison nga ngictau Etser amma ngictau Disan. Ngic imoc yeneng horingic ngicngacarengsoc yeneac ngictau kpac mema Secir bangecfu kecgec.

Edom ngictau yeneac kpacareng

³¹ Anu Isracel ngicngac yeneac ngictau mong mi kefecngoc naso imohai Edom bangecfu ngic yomoc yeneng ngictauac ua mekecgec.

³² Becor medaha kpara Bela ye Edonnu ngictau kefec yeac taongtoa imoc kpara Dinhaba.

³³ Nga Bela homeu Yowawngo yeac tatac mema ngictau anec. Ye Dzera, Botsera amaunac yeac medaha.

³⁴ Yowaw ye homeu Husam, temangngic yeneac bangecfunac yeng yeac tatac mema ngictau anec.

³⁵ Anu Husam homeu Hadad, Bedad medaha yeng yeac tatac mema ngictau anec. Yeneng midiangngic Mocaw bangecfu yunuec. Nga Hadad ye taongtoaya kpara Awit.

³⁶ Hadad homeu Samela Masereka amaunac yeng yeac tatac mema ngictau anec.

³⁷ Nga Samela ye homeu Saculngo yeac tatac mema ngictau anec. Rehowot ama doku wegenahau tarec ye imohacnac.

³⁸ Sacul ye homeu Bacal Hanan, Aheborac medacngo tataha mema ngictau anec.

³⁹ Bacal-Hanan, Aheborac medac homeu Hadarngo tataha mema ngictau anec. Hadarac taongtoa imoc kpara Pau nga enema kpara Mehetawecel. Ye Matered naroanga nga Matered ye Me Dzahawac naroanga.

⁴⁰ Esaw medacfora ngictau kpac mema kecgec yeni habunginasoc nga amabangecnginasoc kpacarengngina yofiguc, Timenaac ngictau, Alewaac ngictau, Yetetac ngictau,

⁴¹ Oholiwamaac ngictau, Elaac ngictau, Pinonggac ngictau,

⁴² Kenadziac ngictau, Temanggac ngictau, Miwetsarac ngictau

⁴³ nga Magedicelac ngictau amma Iramgac ngictau. Ngic imoc yeni amabangec megec imocacsoc kecgec. Imoc Edom ngictau kpacngina amma bangecnginaac kpac sasawa. Edomngic yeneac bangecngina Esaw yeac esamedacfora imoc yeninoc.