Fingec fingec 10 - Deduamiti

Noa esamedacfora nga bangecfora yeneac siduc tosea 10:1–11:19 Noa esamedacfora nga bangecfora yeneac kpacareng

¹ Yomoc Noa medacfora Sem nga Ham amma Yafet yeneac siduc tosea. Yeni doku tunggbaungtoa wisickeu imocac ngadeau medac yofiguc kpeficyunugec.

² Yafet medacfora Gomer, Magog, Madai, Yawan, Tuwal nga Mesec amma Tiras.

³ Nga Gomerac medacfora Asekanadzi nga Rifat amma Togarema.

⁴ Nga Yawanggac bangecfora yeni yofiguc, Elisa nga Tarsis, kittingic nga dodangngic.

⁵ Ngic imoc yenearunac ngicngac kondung wegenac kecdae yeneac bangecareng yeni sahema tohoma kemma bangecarengnginasoc nga yoacarengnginasoc amma habunginasoc bangecnginau kecdae.

Ham esamedacfora nga bangecfora

⁶ Anu Ham medacfora yeni yofiguc, Kus, Mitserayim nga Put amma Kenacan.

⁷ Kus medacfora imoc yofiguc, Sewa, Hawila, Sawita nga Racma amma Saweteha. Nga Racma medachora Sewa nga Dedan.

⁸ Nga Kus medaha mong kpara Nimerod fingerec. Yeng bangecfu bangec areng ngictaugoc kekec imoc hanaheec.

⁹ Amma ye Kebuac kicfu kpenecmenecngic kuneng yombong amma kefec. Imocac yearu yoac heima yofi deandae, “Kebuac kicfu kpenecmenecngic kuneng yombong Nimerod isoc ande.”

¹⁰ Anu ye ngictau amma bangec yomoc garengyunuec, bangec hanac hanahea mekefec imoc Bawel, Erec nga Akkad amma Halene, imoc sasawa Sinecar bangectoau tackenggec.

¹¹ Bangec imohacnac Assur bangecfu kemma taong gboria yomoc meyunuec, Ninewe, Rehowot Ir nga Kala amma Resen.

¹² Resen imoc Ninewe nga Kala botucngirau tacde nga imoc taongtoa yombong ande.

¹³ Anu Mitserayim ye Ludingic, Anamingic, Lehawingic, Nafetuhingic

¹⁴ nga paterusngic amma kaselungic, areng imoc yeneac mangngina. Kecma pelistingic nga kafetoringic yeni kaselungic yenearunac fingecsahe anggec.

Kenacan esamedacfora nga bangecfora

¹⁵ Anu Kenacanggac morocmedaha Tsidon nga yeac bageau Het

¹⁶ nga ngicareng yomoc fingecgec yewusingic, Amoringic, girigasingic,

¹⁷ hiwingic, arekingic, siningic,

¹⁸ nga arewadingic, tsemaringic amma hamatingic, habu ifi fingeckenggec. Anu imocac ngadeau Kenacan habufora yeni sahema tohoma bangec goa monggoc megec.

¹⁹ Anu Kenacan ngichabu yeneac bangec tegia Tsidon amaunac kemma Gerar, Adza, Sedom, Amora, Adema nga Tsewoyim amma Lasa imohai wisickeec.

²⁰ Imoc Hamgac esamedacfora habunginasoc nga yoacarengnginasoc nga bangecnginasoc amma bangecarengnginasoc.

Sem esamedacfora

²¹ Anu Yafet dara Sem yeac medacfora ifingoc fingecgec ye Ewer medacfora yeneac esangina anec.

²² Nga Sem esamedacfora imoc yeni Elam, Assur, Arepahesad nga Lud amma Aram.

²³ Nga Aram medacfora imoc Uts, Hul nga Geter amma Mas.

²⁴ Arepahesad ye Sela mama nga Sela ye Ewer mama.

²⁵ Nga Ewer medachora yohockang fingeroc, mong ye bangec hendzicgec noboha noboha anec imocac nasou fingerec imocac kpara Peleg kparec. Muniaac kpara Yoketan.

²⁶ Nga Yoketanggarunac fingecgec imoc yofiguc, Alemodad, Salef, Hatsaremawet, Yara,

²⁷ Hadoram, Udzal, Dikela,

²⁸ Owal, Awimacel, Sewa,

²⁹ Ofir nga Hawila amma Yowaw. Ngic sasawa imoc yeni Yoketan medacfora.

³⁰ Amma yeni Mesanac sifecbangec wenac ere ereaubigeng tactackengkecma Sefar bangecfu kecgec.

³¹ Semgac esamedacfora imoc habunginasoc nga yoacarengnginasoc nga bangecnginasoc amma bangecarenginasoc.

³² Noa medacfora yeneac arengfocngina ifi, habuya habuya ngic fingecgecsoc arengyunu hahaya. Doku tunggbaungtoa haec imocac ngadeau yenearunac ngicngacareng yeneng fingecsahe amma tohoma bangectoa bangecfu kemma kecgec.