Esta 10 - Deduamiti

Ngictau Dzeksi nga Modekai yereac kpackuneng

¹ Ngictau Dzeksingo deu bangec mingina nga kondunnu ngic kecgec amma noboc nobocnac yeac kuc bageu kecgec, yenearunac takesi mekecgec.

² Anu ngictau uayaac kuha nga Modekai kpackunengaac eweheihei anggec, imocac siduc sasawa imoc Pesia nga Media ngictauac siduckibiu ohogec.

³ Anu Modekaingo Yehuda meficyunuma fingecsahe ruaegoc ngade feengkecfudeac gombung imocac agengngina tiec. Tiu Yehuda yeneng ye hendzidziema kpackuneng migec yeneac botucfunac ye mocgungosac ngictau Dzeksiac bageu kefec.