Bangec kisiu 33 - Deduamiti

Isracel yeni kenggec bangec imocac kpacareng

¹ Mose nga Aharon yereng enara meyemmema Isracelngicngac habuya habuya meyunuma Aigitabangec wama kenggec. Yeni kporucamabangec dahai kporucamangina kpedzigec enu kecgec bangec imocac kpacngina yomoc.

² Mose ye Kebungo dederecge ammiec imoc tofohoma bangec dahacnac efaima yacma kporucamangina meickema kenggec imoc arenggema ohoec. Nga yeni kporucamabangec wama kenggecsoc bangec imoc kpacngina yofi.

³ Yeni afo kpete mocgu imocac wenac kpete fiftin imohai efaima yacma kporucamangina meickema Racamses wama kenggec. Imoc onggoc onggonggeac nasotoa wisickeu aigitangicngac sasawa yenemma nammagec kengecngina kpac kucgoc kenggec.

⁴ Kenggec naso imohai Aigita yeni waracmedacfocngina sasawa Kebungo kpebucyunuec, yeni tonggoyunumagec Isracelngicngac yeni ifi angec. Kebungo ifi ayemmema nemufocngina yeneac hania mekperagima desiyunuec.

Sukkot kemma Migdol

⁵ Yeni efaima yacma kporucamangina meickema Racamses wama imohacnac kemma Sukkot imohai sikema kporucbedzongina kpedzigec enu guru mema tacyac anggec.

⁶ Nga yeni efaima yacma kporucamangina monggoc meickema Sukkot wama kemma Etam bangec kisi hanahede imohai sikema kporucbedzongina kpedzigec enu guru mema tacyac anggec.

⁷ Amma yeni efaima yacma imohacnac kporucamangina meickema Etam wama dzigenema kemma Pi Hahirot Bacal-Tsefon imocac wenac ere ereaubigeng Migdol fanihau sikema imohai kporucbedzongina kpedzigec enu guru mema tacyac anggec.

Harihot kemma Dofka

⁸ Anu yeni efaima yacma kporucamangina meickema Hahirot wama kemma kondung botuhau ferecgema kengkecma Etam bangeckisiu kemma kecmagec wenac harebec wisickeu Mara sikema imohai kporucbedzongina kpedzigec enu guru mema tacyac anggec.

⁹ Amma yeni efaima yacma kporucamangina meickema Mara wama kemma Elim imohai sikegec. Nga Elim imohai doku kiwa twelf fekenec amma pam ic sewenti nangkenec, yeni imohai kporucbedzongina kpedzigec enu guru mema tacyac anggec.

¹⁰ Nga yeni monggoc efaima yacma kporucamangina meickema Elim wama kemma kondung sacsac tegiau kporucbedzongina kpedzigec enu imohai guru mema tacyac anggec.

¹¹ Amma yeni efaima yacma kporucamangina meickema Kondung sacsac wama kemma Sin bangeckisiu sikema kporucbedzongina kpedzigec enu imohai guru mema tacyac anggec.

¹² Amma yeni efaima yacma kporucamangina meickema Sin bangec kisi wama kemma Dofka imohai sikema kporucbedzongina kpedzigec enu guru mema tacyac anggec.

Alus kemma Hatserot

¹³ Amma yeni monggoc efaima yacma kporucamangina meickema Dofka wama kemma Alus imohai sikema kporucbedzongina kpedzigec enu guru mema tacyac anggec.

¹⁴ Amma yeni imohacnac efaima yacma kporucamangina meickema Alus wama kemma Refidim imohai sikema kporucbedzongina kpedzigec enu guru megec. Nga bangec imohai ngicngac yeni doku mong negecdeacsoc mi feec.

¹⁵ Ifi anu yeni efaima yacma kporucamangina meickema Refidim wama kemma Sinai bangeckisiu sikema imohai kporucbedzongina kpedzigec enu guru mema tacyac anggec.

¹⁶ Nga yeni monggoc efaima yacma kporucamangina meickema Sinai bangec kisi wama kemma Kiwerot-Hatacawa imohai sikema kporucbedzongina kpedzigec enu guru mema tacyac anggec.

¹⁷ Amma yeni efaima yacma kporucamangina meickema Kiwerot-Hattacwa wama kemma Hatserot imohai sikema kporucbedzongina kpedzigec enu guru mema tacyac anggec.

Ritma kemma Sefer tiki

¹⁸ Amma yeni imohacnac efaima yacma kporucamangina meickema Hatserot wama Ritma imohai kensikema kporucbedzongina kpedzigec enu guru mema tacyac anggec.

¹⁹ Amma yeni monggoc efaima yacma kporucamangina meickema Ritma wama Rimmon-Perets imohai kensikema kporucbedzongina monggoc kpedzigec enu guru mema tacyac anggec.

²⁰ Amma yeni efaima yacma kporucamangina meickema Rimmon-Perets wama Liwna imohai kensikema kporucbedzongina kpedzigec enu guru mema tacyac anggec.

²¹ Amma yeni efaima yacma kporucamangina meickema Liwna wama Rissa imohai kensikema kporucbedzongina kpedzigec enu guru mema tacyac anggec.

²² Amma yeni imohacnac efaima yacma kporucamangina meickema Rissa wama kemma Kehelat imohai sikema kporucbedzongina kpedzigec enu guru mema tacyac anggec.

²³ Amma yeni efaima yacma kporucamangina meickema Kehelat wama kemma Safer tiki imohai sikema kporucbedzongina kpedzigec enu guru mema tacyac anggec.

Harada kemma Hasmona

²⁴ Amma yeni efaima yacma kporucamangina monggoc meickema Sefer tiki wama kemma Harada imohai sikema kporucbedzongina kpedzigec enu guru mema tacyac anggec.

²⁵ Amma yeni efaima yacma kporucamangina meickema Harada wama kemma Makhelot imohai sikema kporucbedzongina kpedzigec enu guru mema tacyac anggec.

²⁶ Amma yeni efaima yacma kporucamangina meickema Makhelot wama kemma Tahat imohai sikema kporucbedzongina kpedzigec enu guru mema tacyac anggec.

²⁷ Amma yeni efaima yacma kporucamangina meickema Tahat wama kemma Tara imohai sikema kporucbedzongina kpedzigec enu guru mema tacyac anggec.

²⁸ Amma yeni efaima yacma kporucamangina meickema Tara wama kemma Miteka imohai sikema kporucbedzongina kpedzigec enu guru mema tacyac anggec.

²⁹ Amma yeni efaima yacma kporucamangina meickema Miteka wama kemma Hasmona imohai sikema kporucbedzongina kpedzigec enu guru mema tacyac anggec.

Moserot kemma Yotewatac

³⁰ Amma yeni efaima yacma kporucamangina meickema Hasmona wama kemma Moserot imohai sikema kporucbedzongina kpedzigec enu guru mema tacyac anggec.

³¹ Amma yeni efaima yacma kporucamangina meickema Moserot wama kemma Bene Yacakan imohai sikema kporucbedzongina kpedzigec enu guru mema tacyac anggec.

³² Amma yeni efaima yacma kporucamangina meickema Bene Yacakan wama kemma Hor-Hagidegad imohai sikema kporucbedzongina kpedzigec enu guru mema tacyac anggec.

³³ Amma yeni efaima yacma kporucamangina meickema Hor-Haggidegad wama kemma Yotewatac imohai sikema kporucbedzongina kpedzigec enu guru mema tacyac anggec.

Awerona kemma Tsin bangec kisi

³⁴ Amma yeni efaima yacma kporucamangina meickema Yotewata wama kemma Awerona imohai sikema kporucbedzongina kpedzigec enu guru mema tacyac anggec.

³⁵ Amma yeni efaima yacma kporucamangina meickema Awerona wama kemma Etseyon Gawer imohai sikema kporucbedzongina kpedzigec enu guru mema tacyac anggec.

³⁶ Amma yeni efaima yacma kporucamangina meickema Etseyon Gawer wama kemma Tsin bangec kisi imohai sikema kporucbedzongina kpedzigec enu guru mema tacyac anggec.

Aharon ye Hor tikiu homeec

³⁷ Amma yeni efaima yacma kporucamangina meickema Kades wama kemma Hor tikiu Edombangecac ma fede, ihai sikema kporucbedzongina kpedzigec enu imohai guru mema tacyac anggec.

³⁸ Anu Kebungo yoac dederecge ayemmeu womonggareng Aharon ye Hor tikiu enec. Emma ihai homeec. Imoc Isracelngicngac yeni Aigitabangecfunac mama kecerekecmagec kifa kpete foti, imocac afo kpete marimonggac wenac kpete mocgu ammanu ye imohai homeec.

³⁹ Aharon ye kifaya 123 ammanu Hor tikiu homeec.

Tsalemona kemma Iye-Hacawarim

⁴⁰ Naso imohai kenacanngic yeneac ngictau Arad Kenacanbangecac Negewbangecfu kefec, yeng Isracelngicngac hadae, siduc ifi negenec.

⁴¹ Anu Isracelngicngac yeni efaima yacma kporucamangina meickema Hor tiki wama kemma Tsalemona imohai sikema kporucbedzongina kpedzigec enu guru mema tacyac anggec.

⁴² Nga yeni efaima yacma kporucamangina meickema Tsalemona wama kemma Punon imohai sikema kporucbedzongina kpedzigec enu guru mema tacyac anggec.

⁴³ Amma yeni efaima yacma kporucamangina meickema Punon wama kemma Owot imohai sikema kporucbedzongina kpedzigec enu guru mema tacyac anggec.

⁴⁴ Nga yeni efaima yacma kporucamangina meickema Owot wama kemma Mocawbangecac ma fekenec Iye-Hacawarim imohai sikema kporucbedzongina kpedzigec enu guru mema tacyac anggec.

Diwon-Gad kemma Mocawac bangectumia

⁴⁵ Amma yeni efaima yacma kporucamangina meickema Iyim wama kemma Diwon-Gad imohai sikema kporucbedzongina kpedzigec enu guru mema tacyac anggec.

⁴⁶ Amma yeni efaima yacma kporucamangina meickema Diwon-Gad wama kemma Almon-Diwlatayim, imohai sikema kporucbedzongina kpedzigec enu guru mema tacyac anggec.

⁴⁷ Amma yeni efaima yacma kporucamangina meickema Almon-Diwlatayim wama kemma Awarim tikibangecfu Newo fanihau bangec imohai sikema kporucbedzongina kpedzigec enu guru mema tacyac anggec.

⁴⁸ Amma yeni efaima yacma kporucamangina meickema Awarim tikibangec wama kemma Mocawac bangec tumiau Yardendoku tegia yeibigeng Yereho wegenahau kporucbedzongina kpedzigec enu guru mema tacyac anggec.

⁴⁹ Anu kporucamahabungina Yardendoku tegiau Bet-Yesimot taonnunac hanahema fekengkecma Awel-Sitim imohai wisickeec. Yeni Mocawac bangectumia imohai kporucbedzongina kpedzigec enu guru mema tacyac anggec.

Kenacanbangec mebisia

⁵⁰ Anu Kebungo Mocawac bangec tumiau Yardendoku tegia yeibigeng Yereho wegenahau imohai Mose yofi edeec,

⁵¹ “Ge Isracelngicngac yofi edeyununa, ‘Ngeni Yardendoku ferecgema Kenacanbangecfu kenggecde

⁵² imohai bangec imocac mingina sasawa kecdae imoc kporacyunugec worama kendacbisia. Amma nemuongangina sasawa nanggeyunugec fekende imoc sasawa kpetackema hesisickebisia. Amma aieng nganoc gerea hetinggegec patatakeu nemuongangina megec imoc sasawa kpedzameyunuma bangecngina hodunga bumau onga megec fekende imoc ifingoc kpedzameyunudacbisia.

⁵³ Ni bangec imocnoc megecdeac ngemmeduaeac ngeni imoc mema mingina amma imohai amagerecngina mema tacyac amma kecbisia.

⁵⁴ Nga ngeni fakangina fede, imocacsoc kpeing kpema fingecsahenginasoc bangec hendzicma mebisia. Kisicfocnginaac habu kuneng yeni bangec kuneng yemmegec mebisia nga kisicfocnginaac kpetengina mamea yeni bangec efeanec yeneacsoc yemmebisia. Ngeni fakangina modacma kpeing kpema imocngo isinggeudesoc ngic tembuc tembuc sasawa noboha noboha yemmegec mingina ambisia. Ngeni mangfocngina yeneac kisic modacma bangec hendzicma mema mingina andacbisia.

⁵⁵ Anu bangecngina mema mingina mi kporacyunuma meicyunugecdeu ine ebicngina yofi fingerude. Bangecfu kecgecdengoc yeneng kicngina nga sebinginau biring isoc nendangngunuma bangecnginau igocngunuma kecgecde.

⁵⁶ Ifi fingerudeu ni yeni faka ayemmebesonga negensiai imoc ngeni angemmebade.’ ”