Zonasɩ 2 - A SƐB-SÕW

A Zonasɩ be n a zʋm púorí ɛ́ puore a Sore

¹ A Sore tɩ ƴãw nɩ zʋm-kpɛ̃ɛ wa vɔl a Zonasɩ. A Zonasɩ tɩ maal'ɩ bibie ata nɩ tɩ̃ɩsɔwr ata a zʋm-kpɛ̃ɛ púorí.

² Ʋ tɩ be n a zʋm-kpɛ̃ɛ púorí ɛ́ puori a Sore ʋ Naaŋmɩn.

³ Ʋ tɩ yel'a: Ɩ̃ na tɩ be a kpɩɛrʋ pʋɔ a, fʋ̃ʋ n'ʋ ɩ̃ tɩ kõ bʋɔlɩ, Sore e, ɛ́ fʋ tɩ sɔw mɛ̃ na. Ɩ̃ na tɩ be a kũu bɔw-zulu pʋɔ a, ɩ̃ tɩ kõ na bʋɔlɩ fʋ, ɛ́ fʋ tɩ bɛr'a wõ a ɩ̃ bʋɔlʋ.

⁴ Fʋ tɩ lɔb mɛ̃ na ƴãw a kʋ̃ɔ-kpɛ̃ɛ pʋɔ, a kʋ̃ɔ-zulu pʋɔ. A kʋ̃ɔnɩ tɩ jil'a koli mɛ̃ ɛ́ fʋ tɩ ɩ a kʋ̃ɔ-mie ìre ŋmɩɛr mɛ̃ tuur taa.

⁵ Ɛ́ mãa a, ɩ̃ tɩ yere na: «Mãa n'ɩ ŋan bɛ diw bɛr a fʋ niŋé Sore e, ɛcɛ, ɩ̃ bɔbr'a k'ɩ̃ɩ nãá lɛb nyɛ̃ a fʋ yir-sõw.»

⁶ A kʋ̃ɔ tɩ ƴãw mɛ̃ nɩ a kɔkɛɛ, a kʋ̃ɔ-kpɛ̃ɛ tɩ paal'a pàw mɛ̃, a kʋ̃ɔnɩ mʋ̃ɔ tɩ vili na pàw a ɩ̃ zu za.

⁷ Ɩ̃ tɩ tɔl'a siw tɩ ta a be a tan na nyɛ nyɔw a, a kũu tẽw pamɛ tɩ pàw mɛ̃ na bɛr baarɩ. Ɛcɛ fʋ̃ʋ Sore ɩ̃ Naaŋmɩn i, fʋ ɩ na ɩ̃ yi a bɔw-zulu pʋɔ do wa ɩ nɩ-vʋʋra.

⁸ A lɛn daar ɩ̃ na tɩ ŋmaar a vʋʋrʋ a, ɩ̃ tɩ lɛb'a tɩɛrɩ a fʋ yele, Sore e, ɛ́ a ɩ̃ puoru tɩ ta b'ɩ a fʋ yir-sõw pʋɔ.

⁹ A bɛlɩ dem na zɔrɛ tuur a ŋmɩn-bɛlɛbɛlɛ a, bɛ mɩ́ zawrɛ nɩ a bɛ faafʋ bɛrɛ.

¹⁰ Ɛcɛ mãa a, ɩ̃ na yiele nɩ barka yielu maalɛ nɩ bàwr kʋ̀rɛ fʋ. A nɛ́ɛ ɩ̃ na kõ kʋ̀ b a, ɩ̃ na ír a na. Sore e, fʋ̃ʋ zie n'a a ɩ̃ faafʋ yire.

¹¹ A Sore tɩ ƴãw nɩ a zʋ́m ʋ òw a Zonasɩ bin a kõkowr zu.