Sɛb-sõw yielu 70 - A SƐB-SÕW

Sɛb-sõw yielu 70 (69) sob Sore e, wa fɔ̃w wa sõw mɛ̃

¹ Yiel-yielbɛ nɩ-kpɛ̃ɛ sɛbɛ pʋɔ yielu nɩ Sɛb-sõw yielu Daviir na maalɩ, kɛ́ Naaŋmɩn tɛr a ʋ tɩɛrʋ a.

² Naaŋmɩn i, faa mɛ̃, Sore e, wa fɔ̃w wa sõw mɛ̃.

³ A bɛlɩ dem na bɔbr a ɩ̃ kũu a, vĩ, a nyɔw bɛ, bɛ gɔ zu! A bɛlɩ dem na bɔbr k'aa nãá ɩ m faa a, bɛ nyɛ̃ vĩ lɛb'ɩ pùor!

⁴ A bɛlɩ dem na mɩ́ la m a «'Ha'ha!» a, bɛ lɛb pùor, ɛ́ a vĩ ta sàw bɛ dʋɔ zu ɛ.

⁵ Ɛcɛ a bɛlɩ dem na bɔbr fʋ a, Sore e, bɛ cɩlɛ ƴawr'ɩ a fʋ̃ʋ zũú! Ɛ́ a bɛlɩ dem za na nɔnɛ fʋ a, fʋ̃ʋ na faarɛ tɩ a, bɛ yere kʋralɛ: «Naaŋmɩn ɩ n kpɛ̃ɛ»!

⁶ Mãa ɩ n bãbàal nɩ nã́w sob. Naaŋmɩn i, wa fɔ̃w a ɩ̃ zie. Fʋ̃ʋ n'ɩ a ɩ̃ sõwne nɩ a ɩ̃ faarɛ: Sore e, ta cɛlɛ a waa ƴãw ɛ.