Sɛb-sõw yielu 56 - A SƐB-SÕW

Sɛb-sõw yielu 56 (55) sob Bʋ̃ʋ n'ʋ a nɩsaal na tʋ̃ɔ́ ɩ m?

¹ Yiel-yielbɛ nɩ-kpɛ̃ɛ sɛbɛ pʋɔ yielu. Yielu na yiele mɛ̃ «A naŋmam na zɩ̃ tɩ-bɛrɛ na zãá a zu» yielu a. Daviir danʋ yielu. A lɛ a Filisɩtɛ̃ mɩnɛ na tɩ nyɔw ʋ a Gatɩ tẽw a yele n'a.

² Naaŋmɩn i, zɔ ɩ̃ nɩbaalʋ! Nɩbɛ bɛ bɛrɛ mɛ̃ ɩ. Bibie za, bɛ mɩ́ zɛbr'ɩ mɛ̃ na ɛ́ dɔwrɛ mɛ̃.

³ A bibie za a, a ɩ̃ dɔ̃ dem bɛ mɩ́ bɛrɛ mɛ̃ ɩ. Bɛ yãwmɛ na, na mɩ́ zɛbr'ɩ mɛ̃ ɩrɛ nɩ gãdaalʋ a.

⁴ Ɛcɛ dɛ̃bɩ̃ɛ mɩ́ wa ɩrɛ mɛ̃ a, fʋ̃ʋ zie n'a ɩ̃ mɩ́ ƴãw a ɩ̃ tɩɛrʋ.

⁵ Ɩ̃ danɛ nɩ a Naaŋmɩn, a ƴɛ̀rʋ ʋ na ƴɛ̀r a ƴãw, ɩ̃ ƴãw nɩ a ɩ̃ tɩɛrʋ a ʋ ƴãw, ɩ̃ bɛ cãà zɔrɛ dɛ̃bɩ̃ɛ ɩ. Bʋ̃ʋ n'ʋ nɩsaal na tʋ̃ɔ́ ɩ m?

⁶ Bibie za, bɛ mɩ́ tɛwr'ɩ a ɩ̃ ƴɛ̀rʋ, tɩɛr-faar tɛwr'a bɛ mɩ́ tɩɛrɛ a ɩ̃ ƴãw.

⁷ Bɛ bʋ̀rɛ nɩ taa, bɛ sɔwl'a, bɛ piwre nɩ a ɩ̃ gbɛ-ceni, mɛ̃ nɩbɛ na bɔbr a ɩ̃ nyɔ-vʋʋrʋ íru a.

⁸ A ɩ-faa ŋa ƴãw, bɛ ɩ ŋmɩn cɩ̃ɛ? Naaŋmɩn i, nyɔw a nɩbɛ bɛ ŋa nɩ suur lɔb tẽw!

⁹ Fʋ sɔr'ɩ a ɩ̃ nɩ-yʋɔra gbɛ-ceni. Cɔw a ɩ̃ mʋta-kʋ̃ɔ ƴãw a fʋ wɔ-gbãw pʋɔ, mɛ̃ a taa sɛb ƴãw a fʋ sɛbɛ pʋɔ!

¹⁰ A bibir ʋl ɩ̃ nãà wa bʋɔlɩ fʋ a, a ɩ̃ dɔ̃ dem na lɩɛb'a zɔ. Ɩ̃ bãwnɩ a na, a fʋ̃ʋ Naaŋmɩn, fʋ kpɛ m'a.

¹¹ Ɩ̃ danɛ nɩ a Naaŋmɩn, a ƴɛ̀rʋ ʋ na ƴɛ̀r a ƴãw, ɩ̃ danɛ nɩ a Sore a ƴɛ̀rʋ ŋa ƴãw.

¹² Ɩ̃ ƴãw nɩ a ɩ̃ tɩɛrʋ a ʋ ƴãw, ɩ̃ bɛ cãà zɔrɛ dɛ̃bɩ̃ɛ ɩ. Bʋ̃ʋ n'ʋ nɩsaal na tʋ̃ɔ́ ɩ m?

¹³ Naaŋmɩn i, a fɛrɛ mɛ̃ na, k'ɩ̃ɩ ír a nɛ́ɛ ɩ̃ na kõ kʋ̀ b a. A al ƴãw a, ɩ̃ na maal'ɩ barka bagɛ kʋ̀ b.

¹⁴ Bʋ̃ʋ n'ʋ vɛ̃, fʋ faa mɛ̃ nɩ a kũu pʋɔ, fʋ bɛ sàw ɩ̃ ŋmɛ gbɛr-faa ɩ, k'ɩ̃ɩ tʋ̃ɔ́ cere a fʋ niŋé, a nyɔ-vʋʋrʋ cãà pʋɔ.