Sɛb-sõw yielu 137 - A SƐB-SÕW

Sɛb-sõw yielu 137 (136) sob Tɩ tɩ zɩ̃ n a Babɩlɔn tẽw mamɛ nʋɔr

¹ Tɩ tɩ zɩ̃ n a Babɩlɔn tẽw mamɛ nʋɔr be, tɩɛrɛ a Sɩyɔ̃ tẽw kone nɩ.

² Tɩ tɩ yawl'ɩ a tɩ korijom bɛr, a tɩɩr na tɩ be a be a ƴãw.

³ Ɛ́ a be n'a, a nɩbɛ na zɛb tʋ̃ɔ́ tɩ a, tɩ sʋ̃ɔmɩ yel kɛ́ tɩ yieli yielu. A bɛlɩ dem na dɔwrɛ tɩ a tɩ fɛrɛ tɩ kɛ́ tɩ yieli nʋ̃ɔ̀ yielu: bɛ tɩ yere na: «Nyɩ yieli a Sɩyɔ̃ tẽw yielu kãw kʋ̀ tɩ!»

⁴ — Ɛcɛ ŋmɩŋmɩn n'a tɩ na tʋ̃ɔ́ yieli Sore yielu tẽ-sãan pʋɔ?

⁵ Zerizalɛm i, mãa wa yiiri fʋ bɛr a, a ɩ̃ dʋrʋ nũu, ʋ kpi!

⁶ A ɩ̃ zɛl, ʋ mɛr a ɩ̃ lán, mãa wa yiiri a fʋ yele a, mãa bɛ wa de a Zerizalɛm ʋ zuo a ɩ̃ nʋ̃ɔ̀ za a!

⁷ Sore e, taa yiire a lɛ a Edɔm tẽw dem na tɩ ɩ a Zerizalɛm loba bibir a ɩ: bɛ tɩ cɩɩrɛ na yere: «Nyɩ da ʋ lɔb, nyɩ da ʋ lɔb tɩ tɔ a dacĩ-pɛ́ɛ!»

⁸ Babɩlɔn tẽw bɛ na na ŋmɛr bɛr a, zu-nʋ̃ɔ̀ dem'ɩ a bɛlɩ dem na na ɩ b mɛ̃ a lɛ fʋ na ɩ tɩ a!

⁹ Zu-nʋ̃ɔ̀ dem'ɩ a bɛlɩ dem na na nyɔw a fʋ bibi-cãpʋrmɛ va n a pìir ƴãw kʋ a!