Sɛb-sõw yielu 13 - A SƐB-SÕW

Sɛb-sõw yielu 13 (12) sob Sore e, debor'a fʋ na yiiri mɛ̃ bɛr tɩ ta?

¹ A yiel-yielbɛ nɩ-kpɛ̃ɛ sɛbɛ pʋɔ yielu n'ʋ. Ʋ pʋɔ nɩ a Daviir yielu pʋɔ.

² Sore e, debor daar'a fʋ na yiiri mɛ̃ bɛr a kʋralɛ tɩ ta? Debor'a fʋ na lɩɛbɩ a fʋ niwn bɛr zi-yoru a ɩ̃ ƴãw tɩ ta?

³ Debor'a a tɩ̀ɛrʋ na kʋ m tɩ ta, ɛ́ a pʋ-sãwna mɩ́ tɛr mɛ̃ a bibir za? Debor daar'a a ɩ̃ dɔ̃ sob na tʋ̃ɔ́ mɛ̃ tɩ ta?

⁴ Sore ɩ̃ Naaŋmɩn i, jɩ́r kaa, ɛ́ sɔw mɛ̃, bɛr mɛ̃ ɩ̃ cãà nyɛrɛ a cãà, alɛ bɛ ɩ lɛ, ɩ̃ na gúr'ɩ a kũu gʋ̃ɔ.

⁵ A ɩ̃ dɔ̃ sob na yel'a: «Ɩ̃ tʋ̃ɔ́ ʋ na», ɛ́ a bɛlɩ dem na ɩrɛ mɛ̃ a kpɩɛr a na cɩlɛ nɩ a ɩ̃ loba ƴãw.

⁶ Mãa a, a fʋ nɔ̃wfʋ n'a ɩ̃ tɩ́ɛrɛ, a ɩ̃ socir cɩlɛ nɩ a fʋ faafʋ ƴãw. Ɩ̃ bɔbr'a k'ɩ̃ɩ yiele a Sore ƴãw, a vla ʋ na maalɩ mɛ̃ a ƴãw.