A Zɔb sɛbɛ 8 - A SƐB-SÕW

A ƴɛ̀rʋ a Bɩldaadɩ na ƴɛ̀r a

¹ Lɛ n'a a Bɩldaadɩ na yi Suwa a, tɩ de a ƴɛ̀rʋ yel a Zɔb:

² Fʋ ƴɛ̀rɛ na bɛ tɛr baarʋ daar ɛ. A ɩ na mɛ̃ saa-sɛsɛb a.

³ Fʋ tɩɛr k'aa Naaŋmɩn mɩ́ nyɔw nɩ a yel na tu sɔ́r a lɩɛbɩ bɩɩ? Bɩɩ k'aa Kpɛnʋ-za-sob mɩ́ lɩɛb'ɩ a mɩnʋ?

⁴ A fʋ bibiir tɔ̃w ɩ na sãw ʋ, alɛ so ʋ ɩ bɛ páw a bɛ ɩ-faar sã-ya.

⁵ Ɛcɛ a fʋ̃ʋ a, fʋ̃ʋ wa tori niwn bɔbr a Naaŋmɩn a, fʋ̃ʋ wa lɔbr nuru zɛlɛ nɩ a Kpɛnʋ-za-sob yãayãa a,

⁶ fʋ̃ʋ bɛ wa tɛr sãwna, ɛ́ tuur a yel-na-tu-sɔr-a pùor a, a lɛn daar a, ʋ na kaarɛ nɩ fʋ zie, ʋ na lɛb'a ƴãw fʋ a fʋ mɩnʋ pʋɔ.

⁷ A lɛ fʋ na tɩ ŋmɛ̃ a tib daar a kʋ̃ ɩ bom za a lɛ fʋ nãá wa ŋmɛ̃ a zie ɩ.

*

⁸ Sowri a bɛl na de niwn dɔw a kaa, ƴãw tobr a bãwfʋ a bɛ sãàkʋm-kore na bãw a ƴãw.

⁹ Tɩɩm a, zãa ŋa nɩbɛ n'ɩ tɩ, tɩ bɛ bãw bom za ɩ. Bʋ̃ʋ n'ʋ vɛ̃, a tɩ nyɔ-vʋʋrʋ a tẽw zu ka ɩ n ɓaarʋ lɩɛbɛ cere.

¹⁰ Ɛcɛ bɛl a, bɛ na wul fʋ nɩ yã, bɛ na ƴɛ̀r'ɩ fʋ na, bɛ na lɛb'a tɩɛrɩ zʋkpaɩ á ŋá lɔb kʋ̀ b:

¹¹ «Jimur dãw na bul zi-yoru a bɛ ɩ bà-ƴɔrɛ pʋɔ ɩ? Bàa-kɛkɛr na tʋ̃ɔ́ na bàa ɛ́ bɛ páwr kʋ̃ɔ ɩ?

¹² A kʋ̃ɔ wa sɩrɛ wa báarɛ a, alɛ n'a mɩ́ de niwn ko, a lɛn daar a na mɩ́ cãà ɩ cãpili bɛ kʋ̃ tʋ̃ɔ́ cɛ ɩ n bom a.»

*

¹³ À ŋá n'a a bɛlɩ dem na yiire a Naaŋmɩn bɛrɛ a yele mɩ̀ ŋmɛ̃. A nɩ-faar tɩɛrʋ na wɛ na.

¹⁴ A bɛ bɛ-mĩin-a na baar'a, ɛ́ a tɩɛrʋ bɛ na ɓãá ƴãw bɛr a ɩ mʋ̃dɛr cow.

¹⁵ Bɛlɛ wa yel kɛ́ bɛ tɩɛ a bɛ yir ƴãw a, a yir mɩ́ dãdawlɛ na, bɛlɛ saa fɩɩr'ʋ tɛr a, ʋ mɩ́ cãà na lo.

¹⁶ Bɛlɛ n'ɩ bɛ ŋan mɛ̃ tɩ-ɓaar vib na àr mʋ̃tɔ̃w pʋɔ a, tɩ-ɓaar na yɛ́r a ʋ wuli pàw a zaadɛ̃ a.

¹⁷ A nyɩgɛ siw na tɩ lɩr taa a kʋsɛbɛ pʋɔ, a tɔl'a siw kpɛ a pie bɔwrɩ pʋɔ.

¹⁸ Ɛcɛ nɩr wa vʋ̃ɔ ʋ bɛr a ʋ beba zie a, a ʋ beba zie mɩ́ yel'a k'ʋʋ bɛ dãw nyɛ̃ ʋ ɛ!

¹⁹ A nɩ-faar nʋ̃ɔ̀ bɛ mɩ́ kɔwrɩ ɛ! Ɛ́ nɩ-yoru nɛbɛ mɩ́ wa de a bɛ zie.

²⁰ Naaŋmɩn bɛ zawrɛ nɩr na bɛ tɛr sãwna a bɛrɛ ɩ, ɛ́ mɩ̀ bɛ sõwne ɩ-fa-maalbɛ ɩ.

²¹ Ʋ na ɩ na fʋ ŋmɛrɛ laarʋ, ɛ́ lɔbr kuryii.

²² A fʋ dɔ̃ dem na nyɛ̃ nɩ vĩ, ɛ́ a nɩ-faar kʋ̃ cãà ɩ.