Yoshua 19 - BAIBLO ALOO NGMAMI KLƆUKLƆU Ɔ

Zugba nɛ a ha Simeon wɛtso ɔ

¹ Sɔ enyɔne ɔ je Simeon wɛtso ɔ, nɛ Simeon bi ɔmɛ ná a weto ní we puɔ nya we puɔ nya. A zugba a ya je Yuda wɛtso ɔ nɔ́ ɔ mi.

² Mahi nɛ ngɛ a zugba a mi ji nɛ ɔmɛ nɛ: Beersheba, Sheba, Molada,

³ Hazar Shual, Bala, Ezem,

⁴ Eltolad, Betul, Horma,

⁵ Ziklag, Bet Markabot, Hazar Susa,

⁶ Bet Lebaot, Sharuhen. E peeɔ ma nyɔngma kɛ etɛ kɛ a he kɔpehi.

⁷ Ekpahi ji Ain, Rimon, Eter, Ashan. E peeɔ ma eywiɛ kɛ a he kɔpehi.

⁸ A kɛ kɔpehi tsuo nɛ bɔle ma nɛ ɔmɛ kɛ ya si Baalat Beer (loo Rama) ngɛ leneyi je tɔɔ ɔ piɛ he. Zugba nɛ Simeon bi ɔmɛ ná kaa a weto ní we puɔ nya we puɔ nya ji nɛ ɔ nɛ.

⁹ Akɛnɛ Yuda wɛtso ɔ zugba a kle tsɔ ha mɛ he je ɔ, a po fa ngɔ ha Simeon wɛtso ɔ.

Zugba nɛ a ha Zebulun wɛtso ɔ

¹⁰ Sɔ etɛne ɔ je Zebulun wɛtso ɔ, nɛ Zebulun bi ɔmɛ ná a weto ní we puɔ nya we puɔ nya. A huzu ɔ nya ya su Sarid tɔɔ.

¹¹ E kuɔ kɛ gu bonyoku je kɛ ho Mareal ya, kɛ ya be ngɛ Dabeshet, kɛ pa a nɛ ngɛ Yokneam beleku je ɔ nya.

¹² Jehanɛ, huzu ɔ dɔ e yi kɛ je Sarid kɛ gu beleku je kɛ ya na Kislot Tabor huzu ɔ, nɛ e tsa nɔ kɛ ho Daberat kɛ Yafia ya.

¹³ E tsa nɔ kɛ gu beleku je kɛ ho Gat Hefer kɛ Etkazin ya, nɛ e dɔ e yi kɛ ya su Nea, ngɛ Rimon blɔ ɔ nɔ.

¹⁴ Huzu ɔ lɔgɔ si ngɛ omleyi je kɛ ya Hanaton, nɛ e ya gbe nya ngɛ Iftahel kɔ̃ ɔ mi.

¹⁵ Mahi nɛ ngɛ a huzu ɔ mi ji Kata, kɛ Nahalal, Shimron, Idala, kɛ Betlehem. E peeɔ ma nyɔngma kɛ enyɔ kɛ a he kɔpehi.

¹⁶ Weto ní nɛ Zebulun wɛtso ɔ ná we puɔ nya we puɔ nya ji ma nɛ ɔmɛ kɛ a he kɔpehi.

Zugba nɛ a ha Isakar wɛtso ɔ

¹⁷ Sɔ eywiɛne ɔ je Isakar wɛtso ɔ, nɛ Isakar bi ɔmɛ ná a weto ní we puɔ nya we puɔ nya.

¹⁸ Mahi nɛ ngɛ huzu ɔ mi ji Yezreel, Kesulot, Shunem,

¹⁹ Hafaraim, Shion, Anaharat,

²⁰ Rabit, Kishion, Ebez,

²¹ Remet, Enganim, Enhada, Betpazez.

²² Huzu ɔ ya su Tabor, Shahazuma, Bet Shemesh, kɛ ya pi Yordan pa a. E peeɔ ma nyɔngma kɛ ekpa kɛ a he kɔpehi.

²³ Weto ní nɛ Isakar bi ɔmɛ na we puɔ nya we puɔ nya ji ma nɛ ɔmɛ kɛ a he kɔpehi.

Zugba nɛ a ha Asher wɛtso ɔ

²⁴ Sɔ enuɔne ɔ je Asher wɛtso ɔ, nɛ Asher bi ɔmɛ ná a weto ní we puɔ nya we puɔ nya.

²⁵ Mahi nɛ ngɛ a zugba a mi ji Helkat, Hali, Beten, Akshaf,

²⁶ Alam Melek, Amad, kɛ Mishal. A huzu ɔ nya su Karmel, kɛ Shihor Libnat ngɛ bonyoku je.

²⁷ Jehanɛ, e lɔgɔ kɛ ho beleku je ya, kɛ ya su Betdagon, ya be ngɛ Zebulun, kɛ Iftahel kɔ̃ ɔ mi, kɛ gu omleyi je, kɛ ho Betemek, kɛ Neyel ya, nɛ e tsa nɔ ja kɛ ya gu Kabul,

²⁸ Ebron, Rehob, Hamon, kɛ Kana kɛ ya su Sidon tɔɔ.

²⁹ Jehanɛ, huzu ɔ lɔgɔ kɛ gu Rama, nɛ e ya su Tiro, ma nɛ a fia gbogbo kɛ wo he ɔ. Huzu ɔ dɔ kɛ ho Hosa ya, nɛ e nya ya ta ngɛ Mediterenia wo ɔ nya. Ma nɛ ɔmɛ hu piɛ he: Mahalab, Akzib,

³⁰ Uma, Afek, kɛ Rehob. E peeɔ ma nyingmi enyɔ kɛ enyɔ kɛ a he kɔpehi.

³¹ Weto ní nɛ Asher bi ɔmɛ ná we puɔ nya we puɔ nya ji ma nɛ ɔmɛ kɛ a he kɔpehi.

Zugba nɛ a ha Naftali wɛtso ɔ

³² Sɔ ekpane ɔ je Naftali wɛtso ɔ, nɛ Naftali bi ɔmɛ ná a weto ní we puɔ nya we puɔ nya.

³³ A zugba a huzu ɔ je Helef kɛ ya na tso ngua a nɛ ngɛ Zaananim ɔ, kɛ ya su Adaminekeb kɛ Yamnia, kɛ ho Lakum ya, nɛ e nya ya ta ngɛ Yordan pa a nya.

³⁴ Jehanɛ, huzu ɔ plɛ tsɔɔ bonyoku je kɛ ya gu Aznot Tabor kɛ ho Hukok ya. Naftali kɛ Zebulun wo huzu ngɛ leneyi je; a kɛ Asher wo huzu ngɛ bonyoku je, nɛ Yordan pa a peeɔ a huzu ngɛ beleku je.

³⁵ Naftali bi ɔmɛ a mahi nɛ a fia gbogbo ngɔ wo a he ɔ ji nɛ ɔmɛ nɛ: Zidim, Zer, Hamat, Rakat, Kineret,

³⁶ Adama, Rama, Hazor,

³⁷ Kedesh, Edrei, Enhazor,

³⁸ Yiron, Migdalel, Horem, Betanat, Bet Shemesh. E peeɔ ma nyɔngma kɛ nɛɛ kɛ a he kɔpehi.

³⁹ Weto ní nɛ Naftali wɛtso ɔ ná we puɔ we puɔ nya nya ji ma nɛ ɔmɛ kɛ a he kɔpehi.

Zugba nɛ a ha Dan wɛtso ɔ

⁴⁰ Sɔ kpaagone ɔ je Dan wɛtso ɔ, nɛ Dan bi ɔmɛ ná a weto ní we puɔ nya we puɔ nya.

⁴¹ Mahi nɛ ngɛ a zugba a mi ji Zora, Eshtaol, Irshemesh,

⁴² Shaalbim, Aiyalon, Itla,

⁴³ Elon, Timna, Ekron,

⁴⁴ Elteke, Gibeton, Baalat,

⁴⁵ Yehud, Beneberak, Gatrimon,

⁴⁶ Meyarkon, Rakon, kɛ zugba a nɛ bɔle Yopa a.

⁴⁷ Benɛ Dan bi ɔmɛ a zugba je a dɛ ɔ, a kuɔ yo ɔ nɛ a ya tua Laish ma a. A gbe ma mi bi ɔmɛ tsuo, nɛ a ngɔ ma a ngɔ pee a nɔ́. A tsake ma a biɛ Laish ɔ, nɛ a ngɔ a nɛ̃, Dan biɛ ngɔ wo ma a.

⁴⁸ Weto ní nɛ Dan wɛtso ɔ ná we puɔ nya we we puɔ nya ji ma nɛ ɔmɛ kɛ a he kɔpehi.

A dla zugba a gbe nya

⁴⁹ Benɛ Israel bi ɔmɛ dla zugba a ta a, a ngɔ zugba a fa ko ngɔ ha Nun bi Yoshua kaa lɛ nitsɛ e weto ní.

⁵⁰ Kaa bɔ nɛ Yawɛ fa mɛ ɔ, a ha Yoshua Timnat Sera ngɛ Efraim yo ɔ nɔ. Ma nɛ lɛ nitsɛ e bi ke a ha lɛ ji nɛ ɔ nɛ. E dla po ma a ehe, nɛ e hi lejɛ ɔ.

⁵¹ Weto ní nɛ osɔfo Eleazar, Nun bi Yoshua, kɛ Israel wɛtsoyi ɔmɛ dla kɛ ha ma a ji nɛ ɔmɛ nɛ. A fɔ sɔ kɛ bi Yawɛ ga womi, nɛ a dla weto ní nɛ ɔmɛ ngɛ Shilo kpe he bo tsu ɔ sinya a nya. Bɔ nɛ a dla zugba a ha ji nɛ ɔ nɛ.