Yoshua 12 - BAIBLO ALOO NGMAMI KLƆUKLƆU Ɔ

Matsɛmɛ ɔmɛ nɛ Mose ye a nɔ ɔ

¹ Israel bi ɔmɛ ye matsɛmɛ enyɔ komɛ a nɔ, nɛ a ngɔ a zugba a ngɛ Yordan pa a beleku je. Zugba a ngɛ kɛ je Arnon kɔ̃ ɔ mi kɛ ya su Hermon yo ɔ he tɔɔ.

² Matsɛmɛ nɛ ɔmɛ a ti nɔ kake ji Amor bi ɔmɛ a Matsɛ Sihon nɛ hi Heshbon ɔ. E nɔ yemi hehi ji nɛ ɔmɛ nɛ: Gilead fa a, kɛ je Aroer ngɛ Arnon kɔ̃ ɔ nya kɛ gu kɔ̃ ɔ mi, kɛ ya su Yabok pa a nya ngɛ Amon bi ɔmɛ a huzu ɔ nya.

³ E nɔ yemi he ɔmɛ ekomɛ hu ji nɛ ɔmɛ nɛ: Yordan kɔ̃ ɔ, kɛ je Galilea wo ɔ nya ngɛ omleyi je kɛ ya su Bet Yeshimot ngɛ Ngo wo ɔ beleku je hluu kɛ ya su Pisga yo ɔ sisi.

⁴ Matsɛ enyɔne ɔ ji Bashan matsɛ, Og. Lɛ ji Refaim nina nɛ piɛ ɔ a ti nɔ kake nɛ hi Ashtarot kɛ Edrei.

⁵ Matsɛ Og nɔ yemi he ɔmɛ ji nɛ ɔmɛ nɛ: kɛ je Hermon yo ɔ nɔ, Saleka, kɛ Bashan tsuo, kɛ ya su Geshur bi ɔmɛ kɛ Maaka bi ɔmɛ a huzu ɔmɛ a nya. Jehanɛ, kɛ je Gilead bi ɔmɛ a zugba a fa kɛ ya ta Heshbon huzu ɔ nya.

⁶ Mose kɛ Israel bi ɔmɛ kpata matsɛmɛ enyɔ nɛ ɔmɛ a hɛ mi, nɛ Yawɛ tsɔlɔ Mose ngɔ a zugba a ngɔ ha Ruben kɛ Gad, kɛ Manase wɛtso fa a kaa a weto ní.

Matsɛmɛ ɔmɛ nɛ Yoshua ye a nɔ ɔ

⁷ Yoshua kɛ Israel bi ɔmɛ kpata matsɛmɛ ɔmɛ tsuo nɛ ngɛ Yordan pa a bonyoku je ɔ a hɛ mi, kɛ je Baal Gad ngɛ Lebanon kɔ̃ ɔ mi kɛ ya su Halak yo ɔ he ngɛ leneyi je ngɛ Edom kasa nya. Yoshua dla zugba nɛ ɔ ngɔ ha Israel bi ɔmɛ wɛtso nya wɛtso nya, nɛ e pee a weto ní.

⁸ Zugba a ngɛ yo nɔ kɛ kɔ̃ mi; Yordan kɔ̃ ɔ kɛ nga kplanaa a nɔ, kɛ yo ɔmɛ a kuɛ si, kɛ nga a nɔ, kɛ leneyi je tsuo. Nihi nɛ hi lejɛ ɔ hyɛ ji Hit bi, Amor bi, Periz bi, Hiv bi, kɛ Yebus bi.

⁹ Israel bi ɔmɛ gbe matsɛmɛ ɔmɛ ngɛ ma nɛ ɔmɛ a mi: Yeriko, Ai nɛ ngɛ Betel kasa nya a,

¹⁰ Yerusalem, Hebron,

¹¹ Yarmut, Lakish,

¹² Eglon, Gezer,

¹³ Debir, Geder,

¹⁴ Horma, Arad,

¹⁵ Libna, Adulam,

¹⁶ Makeda, Betel,

¹⁷ Tapua, Hefer,

¹⁸ Afek, Lasharon,

¹⁹ Madon, Hazor,

²⁰ Shimron Meron, Akshaf,

²¹ Taanak, Megido,

²² Kedesh, Yokneam ngɛ Karmel,

²³ Dor ngɛ wo ɔ nya, Goyim ngɛ Galilea,

²⁴ kɛ Tirza; matsɛmɛ nɛ ɔmɛ tsuo a hiɛmi ji nyingmi etɛ kɛ kake.