Mose IV, 1 - BAIBLO ALOO NGMAMI KLƆUKLƆU Ɔ

A kane Israel ma a kekleekle nɔ́

¹ Benɛ Israel bi ɔmɛ je Egipt zugba a nɔ se jeha nɛ ji enyɔ ɔ, nyɔhiɔ enyɔne ɔ we kekleekle ligbi ɔ, Yawɛ kɛ Mose tu munyu ngɛ kpe he bo tsu ɔ mi ngɛ Sinai nga a nɔ, nɛ e de lɛ ke,

² “O kɛ Aaron nɛ kane Israel ma kpekpemi ɔ tsuo weku nya weku nya, kɛ we puɔ nya we puɔ nya.

³ Nyumu tsuaa nyumu nɛ ye kɛ je jeha nyingmi enyɔ kɛ yaa, nɛ e ma nyɛ maa ya ta a, nyɛɛ ngma e biɛ, nɛ nyɛ gba mɛ tabo nya tabo nya.

⁴ Wɛtso tsuaa wɛtso nɛ hla nɔ kake kɛ ba piɛ nyɛ he.”

^5-16 Kikɛmɛ a nikɔtɔma nɛ ɔmɛ, kɛ wɛtsohi nɛ a je a mi ɔ ji nɛ ɔmɛ nɛ: WƐTSO WƐTSO NƆKƆTƆMA Ruben Elizur, Shedeur bi ɔ Simeon Shelumiel, Zurishadai bi ɔ Yuda Nashon, Aminadab bi ɔ Isakar Netanel, Zuar bi ɔ Zebulun Eliab, Helon bi ɔ Efraim Elishama, Amihud bi ɔ Manase Gamaliel, Pedazur bi ɔ Benyamin Abidan, Gideoni bi ɔ Dan Ahiezer, Amishadai bi ɔ Asher Pagiel, Okran bi ɔ Gad Eliasaf, Deuel bi ɔ Naftali Ahira, Enan bi ɔ.

WƐTSO WƐTSO NƆKƆTƆMA

^17-18 Mose kɛ Aaron fɔ̃ nihi nɛ a tsɔɔ a biɛ nɛ ɔ nine. Nyɔhiɔ enyɔne ɔ we kekleekle ligbi ɔ, a bua Israel ma kpekpemi ɔ nya nɛ a kane mɛ kakaaka, weku nya weku nya, kɛ we puɔ nya we puɔ nya. A kane nyumuhi tsuo nɛ ye jeha nyingmi enyɔ, kɛ ni nɛmɛ nɛ ye pe ja kakaaka,

¹⁹ nɛ Mose ngma a biɛ ngɛ Sinai nga a nɔ, kaa bɔ nɛ Yawɛ fa lɛ ɔ.

^20-46 A ngma nyumuhi tsuo nɛ ye jeha nyingmi enyɔ, kɛ ni nɛmɛ nɛ ye pe ja, nɛ a su ta yami ɔ a biɛ weku nya weku nya, kɛ we puɔ nya we puɔ nya. A ngma biɛ ɔ kɛ je Yakob bitɛte Ruben nɔ. Bɔ nɛ e ba lɛ ha ji nɛ ɔ nɛ: WƐTSO NI ƆMƐ A HIƐMI Ruben 46,500 Simeon 59,300 Gad 45,650 Yuda 74,600 Isakar 54,400 Zebulun 57,400 Efraim 40,500 Manase 32,200 Benyamin 35,400 Dan 62,700 Asher 41,500 Naftali 53,400 Lɛ tsuo peeɔ 603,550.

WƐTSO NI ƆMƐ A HIƐMI

⁴⁷ Se Levi bi ɔmɛ lɛɛ a kane we mɛ ngɔ piɛ we a bi ɔmɛ a he kaa bɔ nɛ a kane wɛtso kpa amɛ ɔ,

⁴⁸ ejakaa Yawɛ de Mose ke,

⁴⁹ “Levi wɛtso ɔ pɛ lɛɛ koo kane mɛ, nɛ koo bu a hiɛmi ngɔ piɛ Israel bi ɔmɛ a he.

⁵⁰ Levi bi ɔmɛ lɛɛ ngɔɔ kpe he bo tsu ɔ, kɛ e he ní ɔmɛ, kɛ e mi ní ɔmɛ tsuo a nɔ hyɛmi ní tsumi ɔ kɛ wo a dɛ. Mɛ nɛ a maa hɛɛ kpe he bo tsu ɔ kɛ e he ní ɔmɛ. Mɛ nɛ a maa hyɛ nɔ; nɛ bo tsu ɔ he ji he nɛ a maa hi.

⁵¹ Be tsuaa be nɛ nyɛ maa hia a, Levi bi ɔmɛ ji ni nɛmɛ nɛ maa gbɛ bo tsu ɔ. Nɛ ke a maa ma lɛ ekohu ɔ, Levi bi ɔmɛ nɔuu lɛ a maa ma. Ke nɔ kpa ko hɛ lɛ kɛ su he ɔ, a gbe lɛ.

⁵² Israel ma nɛ piɛ ɔ tsuo maa to si ngɛ a tabo ɔmɛ a nya, nɔ tsuaa nɔ ngɛ e wɛtso aflaangaa sisi.

⁵³ Se Levi bi ɔmɛ lɛɛ a ma pue si kɛ bɔle kpe he ɔ, nɛ a maa bu he, bɔ nɛ pee nɛ imi Yawɛ, ye we abofu nɛ ko kple Israel ma kpekpemi ɔ nɔ.”

⁵⁴ Israel ma a pee kaa bɔ nɛ Yawɛ fa Mose ke e pee ɔ.