Mose I, 36 - BAIBLO ALOO NGMAMI KLƆUKLƆU Ɔ

Esau nina

¹ Esau, nɛ e biɛ kpa ji Edom ɔ, e he sane ji nɛ ɔ nɛ.

² Esau ngɔ Kanaan yihi. Mɛ ji nɛ ɔmɛ nɛ: Hit no ɔ nɛ a tsɛɛ lɛ Elon ɔ biyo Ada, kɛ Hiv no ɔ nɛ a tsɛɛ lɛ Zibeon ɔ bi Ana biyo Oholibama,

³ kɛ Ishmael biyo Basemat, Nebayot nyɛmiyo ɔ.

⁴ Ada kɛ Esau fɔ Elifaz; Basemat fɔ Reuel;

⁵ nɛ Oholibama fɔ Yeush, Yalam, kɛ Kora. Binyumuhi nɛ Esau fɔ ngɛ Kanaan zugba a nɔ ji nɛ ɔmɛ nɛ.

⁶ Esau ngɔ e yi ɔmɛ, e binyumu ɔmɛ, e biyi ɔmɛ, kɛ nihi tsuo nɛ ngɛ e we ɔ mi ɔ, e lohwe ɔmɛ, kɛ níhi tsuo nɛ e bua nya ngɛ Kanaan zugba a nɔ ɔ, nɛ e je e nyɛmi Yakob he kɛ ho zugba kpa nɔ ya.

⁷ Esau je e nyɛmi ɔ he, ejakaa e kɛ Yakob ɔ a weto ní hiɛ babauu pe bɔ nɛ mɛ ni enyɔ ɔmɛ tsuo a ma nyɛ hi he kake; a lohwe ɔmɛ hiɛ babauu, nɛ zugba a he nɛ a ngɛ ɔ kpi mɛ.

⁸ Enɛ ɔ he je ɔ, Esau hia kɛ ya hi Edom yo ɔ nɔ.

⁹ Esau, Edom bi ɔmɛ a tsɛ ɔ nina ji nɛ ɔ nɛ.

^10-13 Esau kɛ e yo Ada fɔ binyumu kake; e biɛ ji Elifaz. Elifaz fɔ binyumuhi enuɔ. Mɛ ji nɛ ɔmɛ nɛ: Teman, Omar, Zefo, Gatam, kɛ Kenaz. Elifaz kɛ e yo kpa nɛ a tsɛɛ lɛ Timna fɔ binyumu kake kɛ piɛ e bimɛ ɔmɛ a he; e biɛ ji Amalek. Esau kɛ e yo Basemat fɔ binyumu kake; e biɛ ji Reuel. Reuel fɔ binyumuhi eywiɛ. Mɛ ji Nahat, Zera, Shama, kɛ Miza.

¹⁴ Esau kɛ e yo Oholibama, Zibeon bi Ana biyo ɔ, fɔ binyumuhi etɛ. Mɛ ji Yeush, Yalam, kɛ Kora.

¹⁵ Wɛtsohi nɛ je Esau mi ji nɛ ɔmɛ nɛ: Esau bitɛte Elifaz ji wɛtso nɛ ɔmɛ a nɛ̃: Teman, Omar, Zefo, Kenaz,

¹⁶ Kora, Gatam kɛ Amalek. Esau yo Ada nina ji ni nɛ ɔmɛ tsuo.

¹⁷ Esau binyumu Reuel ji wɛtso nɛ ɔmɛ a nɛ̃: Nahat, Zera, Shama, kɛ Miza. Esau yo Basemat nina ji ni nɛ ɔmɛ tsuo.

¹⁸ Wɛtso nɛ ɔmɛ je Esau yo Oholibama, Ana biyo ɔ mi: Yeush, Yalam, kɛ Kora.

¹⁹ Esau nina ji wɛtso nɛ ɔmɛ tsuo.

Seir nina

^20-21 Hori no ɔ nɛ a tsɛɛ lɛ Seir ɔ nina ji wɛtsohi nɛ Edom bi ɔmɛ je a mi ɔ nɛ. Wɛtso ɔmɛ a biɛhi ji Lotan, Shobal, Zibeon, Ana, Dishon, Ezer, kɛ Dishan.

²² Lotan binyumuhi ji Hori kɛ Heman. Lotan ngɛ nyɛmiyo ko nɛ a tsɛɛ lɛ Timna.

²³ Shobal binyumuhi ji Alvan, Manahat, Ebal, Shefo, kɛ Onam.

²⁴ Zibeon binyumuhi ji Aya kɛ Ana. Ana nɛ ɔ ji nɔ nɛ ya na nyu la vuhi ngɛ nga a nɔ, benɛ e ngɛ e tsɛ Zibeon teji ɔmɛ hyɛe ɔ nɛ.

^25-26 Ana ji Dishon tsɛ. Dishon ji Hemdan, Eshban, Itran, kɛ Keran a nɛ̃. Ana ngɛ biyo ko hu nɛ a tsɛɛ lɛ ke Oholibama.

²⁷ Ezer binyumuhi ji nɛ ɔmɛ nɛ: Bilhan, Zaavan, kɛ Akan.

²⁸ Dishan binyumuhi ji Uz kɛ Aran.

^29-30 Hor wɛtso ɔmɛ nɛ ngɛ Edom zugba a nɔ ji nɛ ɔmɛ nɛ: Lotan, Shobal, Zibeon, Ana, Dishon, Ezer, kɛ Dishan.

Edom matsɛmɛ ɔmɛ

^31-39 Loko a wo matsɛ ngɛ Israel ɔ, nyumuhi nɛ ye matsɛ ngɛ Edom zugba a nɔ kɛ nyɛɛ a sibi a se ji nɛ ɔmɛ: Beor bi Bela nɛ je Dinhaba Zera bi Yobab nɛ je Bozra Husham nɛ je Teman zugba a nɔ Bedad bi Hadad nɛ je Avit (Hadad ji nɔ nɛ ye Midian bi ɔmɛ a nɔ kunimi ngɛ ta mi, ngɛ Moab zugba a nɔ ɔ nɛ) Samla nɛ je Masreka Shaul nɛ je Rehobot, ngɛ pa a he Akbor bi Baal Hanan Hadad nɛ je Pau (E yo biɛ ji Mehetabel, Mezahab biyo Matred bi ɔ)

^40-43 Esau ji Edom wɛtso nɛ ɔmɛ a nɛ̃: Timna, Alva, Yetet, Oholibama, Ela, Pinon, Kenaz, Teman, Mibzar, Magdiel, kɛ Iram. A kɛ wɛtso nɛ ɔmɛ a biɛhi wo hehi nɛ a hi ɔ.