Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -

Mika 2 - BAIBLO ALOO NGMAMI KLƆUKLƆU Ɔ


Ni nɛmɛ nɛ waa ohiatsɛmɛ yi mi

1 Musu tloo nihi nɛ soɔ yi wu tso níhi, nɛ a toɔ yayami peemi he ga nyɔ mi ngɛ sa mi. Ke je na nɛ a na he blɔ pɛ, a peeɔ yayami nɛ a to he ga a.

2 A hɛ kɔɔ nihi a zugbahi a nɔ, nɛ a kpɔɔ zugba amɛ pani nya; ke we ko nɛ muɔ a hɛ hu, a ngɔɔ faa. A kpɔɔ nihi a wehi ngɛ a dɛ, nɛ a juɔ a weto níhi.

3 Enɛ ɔ he je ɔ, Yawɛ ke, “I to nɛ i kɛ haomi maa ba nyɛ nɔ, nɛ nyɛ he be mi jee. Ke haomi nɛ ɔ na ba nyɛ nɔ ɔ, nyɛ be nyɛ he nɔ woe hu gblegbleegble.

4 Jamɛ a be ɔ, nihi ma la hɛdo la nɛ ɔ kɛ li nyɛ. A ma nya awe nɛ a maa ye kɔmɔ ke, Wa yi ta pɛ! Yawɛ kpɔ wa zugba a ngɛ wa dɛ Nɛ e ngɔ kɛ ha nihi nɛ nuu wɔ nyɔguɛ ɔ.”

5 Lɔ ɔ he ɔ, ke be su nɛ a maa kpale zugba a kɛ ha Yawɛ ma a, nyɛ ti nɔ ko nɔ ko be e blɔ fa mi nɔ́ ko nae.

6 Ma a de mi ke, “O kɛ wɔ nɛ ko tu munyu kaa kikɛ nɛ ɔ. Ko de ní nɛ ɔmɛ nɛ waa nu. Mawu be wa hɛ mi si puee.

7 Anɛ o susu kaa a gbiɛ Israel ma a lo? Anɛ Yawɛ tsui si tomi ɔ ta lo? Anɛ e maa pee ní nɛ ɔmɛ niinɛ lo? Anɛ nihi nɛ peeɔ nɔ́ nɛ da a, e wui mɛ ga kpakpa lo?”

8 Yawɛ he nɔ ke, “Nyɛ te si kɛ wo ye ma a kaa nɔ́ nɛ wa he nyɛli ji nyɛ. Ta buli nɛ je ta kɛ ba, nɛ a susumi ji a ma na tue mi jɔmi ngɛ we ɔ, nyɛ kplɔ a tadehi ngɛ a he.

9 Nyɛ fie yi ɔmɛ ngɛ ye ma a mi kɛ je a we kpakpa amɛ a mi, nɛ a bimɛ ɔmɛ lɛɛ nyɛ kpɔ ye gbaami ɔmɛ tsuo ngɛ a dɛ.

10 Nyɛɛ je hiɛ ɔ nɛ nyɛɛ ho; he jɔɔmi he ko be hiɛ ɔ ha nyɛ. Yayamihi gbegbeegbe nɛ nyɛ pee ngɛ hiɛmɛ nɛ ɔ a he je ɔ, a ma kpata ma nɛ ɔ hɛ mi.

11 “Gbalɔ nɛ ma nɛ ɔ suɔ ji lakpatsɛ kɛ nɔ sisilɔ; nɔ nɛ ma de mɛ ke, ‘Ma gba nɛ wai kɛ da nɛ nya wa nɛ ba ha nyɛ.’

12 “Se nyɛ Israel ma nɛ piɛ ɔ, be ma nɛ ma bua nyɛ tsuo nyɛ nya. Ma ngɔ nyɛ kɛ ba he kake kaa tohi nɛ kpale ba a tsu mi. Nimli ma ba ha nyɛ zugba a nɔ tɔ ekohu kɛ a he ngmlaa kaa tohi babauu ngɛ a lɛmi he.”

13 Mawu ma bli blɔ ha mɛ, nɛ e ma je mɛ kɛ je a nyɔguɛ si himi ɔ mi. A maa gu ma agbo ɔmɛ a mi kɛ je kpo, nɛ a maa ye a he. A matsɛ ɔ nɛ ji Yawɛ nitsɛ maa nyɛɛ a hɛ mi.

Bible in Dangme © Bible Society of Ghana, 2018.

Bible Society of Ghana
ကြှနျုပျတို့နောကျလိုကျပါ:



ကြော်ငြာတွေ