La 95 - BAIBLO ALOO NGMAMI KLƆUKLƆU Ɔ

Yi jemi la

¹ Nyɛɛ ba nɛ wa la kɛ je Yawɛ yi; nyɛ ha nɛ wa he ose kɛ ha Mawu, nɔ nɛ buu wa he ɔ.

² Nyɛ ha nɛ waa ba e hɛ mi kɛ sina, nɛ wa he ose, nɛ wa la yi jemi lahi.

³ Ejakaa Yawɛ ɔ, Mawu kpetekpleenyɛ ji lɛ; lɛ ji mawu ɔmɛ tsuo a matsɛ nguaa.

⁴ E yeɔ je ɔ tsuo nɔ, kɛ je je ɔ sisi he nɛ kuɔ pe kulaa kɛ ya siɔ yohi a yi mi piɔpiɔɔpiɔ.

⁵ E níhi ji wo ɔ, kɛ zugba a tsuo; ejakaa lɛ nitsɛ lɛ e pee mɛ.

⁶ Nyɛɛ ba nɛ waa ngɔ wa hɛ mi kɛ bu si, nɛ wa ja lɛ. Nyɛ ha nɛ wa kpla si ngɛ Yawɛ, wa bɔlɔ ɔ nane nya.

⁷ Ejakaa wa Mawu ji lɛ! Wɔ ji e ma a nɛ; lɛ nɛ hyɛɛ wa nɔ; wa ngɛ kaa tohi nɛ e ngɛ tsɔe. Mwɔnɛ ɔ, nyɛɛ bu e gbi ɔ tue:

⁸ “Nyɛ ko kplii nyɛ tsui kaa bɔ nɛ nyɛ nɛmɛ ɔmɛ pee ligbi ko ngɛ Masa nga a nɔ ngɛ Meriba a.

⁹ Nyɛ nɛmɛ ɔmɛ na níhi nɛ i pee ha mɛ. Se kɛ̃ a tsɔ̃ ye nya, nɛ a ka mi ngɛ lejɛ ɔ.

¹⁰ I ná yi nɔ bi nɛ ɔmɛ a he abofu jeha nyingmi eywiɛ sɔuu. I de ke, ‘Nimli nɛ ɔmɛ je ye se; a kua ye mlaa amɛ a nɔ yemi’

¹¹ Ye mi mi wo la, nɛ i ka kita ke, ‘He nɛ i to nɛ a ya jɔɔ a he ngɛ ɔ, ke a nane ma lejɛ ɔ fii!’ ”