La 87 - BAIBLO ALOO NGMAMI KLƆUKLƆU Ɔ

Yerusalem yi jemi la

¹ Yawɛ to e ma a sisi kɛ ma e yo klɔuklɔu ɔ nɔ.

² E suɔ Yerusalem pe hehi tsuo ngɛ Israel.

³ Mawu ma, bu tue! Yawɛ ngɛ ní kpakpahi dee ngɛ o he:

⁴ “Ma tsɛ Egipt, kɛ Babilonia kɛ piɛ ye huɛmɛ ɔmɛ a he. Yerusalem ma mi bi ɔmɛ hu ma tsɛ Filistia, Tiro, kɛ Sudan kɛ piɛ a he.”

⁵ A ma tsɛ Zion ke je ma amɛ tsuo a nyɛ, ejakaa Hiɔwe No ɔ nitsɛ maa to lɛ si.

⁶ Yawɛ maa ngma ni ɔmɛ tsuo a biɛ, nɛ a ma tsɛ mɛ ke Yerusalem ma a mi bi.

⁷ A maa do, nɛ a ma la ke, “Zion lɛ wa gbaami ɔmɛ tsuo jeɔ.”