La 8 - BAIBLO ALOO NGMAMI KLƆUKLƆU Ɔ

David la

¹ Yawɛ, wa Nyɔmtsɛ! Hyɛ kaa o biɛ pɛɛ ngɛ je ɔ mi tsuo, nɛ a woɔ o hɛ mi nyami ngɛ hiɔwe lokoo!

² O haa jokuɛwi, kɛ bimwɔwi he wami nɛ a laa kɛ jeɔ o yi. O he nyɛli ɔmɛ maa a nya, nɛ a nyɛ we nɛ a peeɔ nɔ́ ko.

³ Ke i susu níhi nɛ ngɛ hiɔwe a he, nyɔhiɔ kɛ dodoehi, ke i hyɛ ní nɛ ɔmɛ nɛ o kɛ o nine pee ɔ,

⁴ i biɔ ke, “Mɛni ji nɔmlɔ adesa, nɛ o susuɔ e he? Mɛni ji nɔmlɔ bi, nɛ o hyɛɛ e nɔ?”

⁵ Nɛ́ o bɔ nɔmlɔ ɔ, nɔ́ ko bɔɔ pɛ lɛ mo, Mawu ɔ o ngɔ kɛ pe lɛ. Se o wo e hɛ mi nyami babauu.

⁶ O pee lɛ níhi tsuo nɛ o bɔ ɔ a nɔ yelɔ. O ngɔ ní nɛ ɔmɛ tsuo ngɔ wo e dɛ mi:

⁷ tohi, nahi, pu mi lohwehi,

⁸ lohwe pɛlitsɛmɛ, lohi, kɛ nibɔ níhi tsuo nɛ ngɛ wo mi.

⁹ Yawɛ, wa Nyɔmtsɛ! Hyɛ kaa o biɛ pɛɛ ngɛ je ɔ mi tsuo.