La 79 - BAIBLO ALOO NGMAMI KLƆUKLƆU Ɔ

Kue fami kɛ ha ma a yi wami hemi

¹ Mawu, ma je li ɔmɛ ba tua o zugba a. A ble o we klɔuklɔu ɔ, nɛ a pee Yerusalem ma doku.

² A ngɔ o tsɔli ɔmɛ a gbogboe ɔmɛ kɛ ha lohwe pɛlitsɛmɛ nɛ a ye. A ngɔ o ni klɔuklɔu ɔmɛ a he lo kɛ ha pu mi lohwehi.

³ A pue o ni klɔuklɔu ɔmɛ a muɔ si babauu; muɔ be ngɛ Yerusalem kaa nyu, nɛ nɔ ko be nɛ maa pu gbogboe ɔmɛ.

⁴ Je ma amɛ nɛ bɔle wɔ ɔ bɔ wɔ ahlua; a muɔ wɔ, nɛ a ye wa he fɛu.

⁵ Yawɛ, mɛni be o mi mi ma fu wɔ kɛ yaa si? O mi mi ma fu wɔ kɛ maa ya neneene lo? Anɛ o mi mi fumi ɔ ma tsa nɔ kaa la nɛ ngɛ tsoe nɛ gbo we lo?

⁶ Je mahi nɛ li mo, kɛ ni nɛmɛ nɛ ja we mo ɔ, o mi mi nɛ fu mɛ.

⁷ Ejakaa a gbe o ma mi bi ɔmɛ, nɛ a kpata o zugba a hɛ mi.

⁸ Koo ngɔ wa nɛmɛ ɔmɛ a he yayami ɔmɛ kɛ gbla wa tue. Pee esɔ nɛ o na wɔ mɔbɔ, ejakaa wa kɔni mi jɔ̃.

⁹ Mawu, piɛ wa he nɛ o he wa yi wami. Mo he wɔ, nɛ o ngɔ wa he yayami kɛ pa wɔ kɛ wo mo nitsɛ o biɛ ɔ hɛ mi nyami.

¹⁰ Mɛni he je lɛ je ma amɛ ma bi wɔ ke, “Jije nyɛ Mawu ɔ ngɛ?” Je mahi nɛ pue o tsɔli ɔmɛ a muɔ si ɔ, gbla a tue nɛ waa na kɛ wa hɛngmɛ.

¹¹ Yawɛ, pamitsɛmɛ ɔmɛ ngɛ kɛmɛe; bu tue! Ni nɛmɛ nɛ ngɛ gbenɔ nya mi ɔ, ngɔɔ o he wami kpetekpleenyɛ ɔ kɛ kpɔ mɛ.

¹² Nyɔmtsɛ, je mahi tsuo nɛ ye o he fɛu ɔ, gbla a tue si kpaago kɛ to nɔ́ nɛ a pee ɔ nya.

¹³ Ke o pee ja a, wɔ, o ma a, o to kuu ɔ, wa maa na mo si, nɛ wa ma je o yi daa.