La 67 - BAIBLO ALOO NGMAMI KLƆUKLƆU Ɔ

Sina la

¹ Mawu, naa wɔ mɔbɔ, nɛ o gbaa wɔ, nɛ o na wa he bua jɔmi,

² konɛ je ɔ nɛ le o suɔmi nya ní, nɛ je ma amɛ tsuo nɛ a yo o he wami nɛ o kɛ heɔ yi wami ɔ.

³ Mawu, ha nɛ je ma amɛ nɛ a je o yi; ha nɛ je ma amɛ tsuo nɛ a je o yi!

⁴ Ha nɛ je ma amɛ a bua nɛ jɔ nɛ a la kɛ bua jɔmi, ejakaa o kojoɔ je ma amɛ pɛpɛɛpɛ nɛ nɔ hɛ mi hyɛmi be mi. Mo lɛ o tsɔɔ ma amɛ tsuo blɔ ngɛ je ɔ mi.

⁵ Mawu, ha nɛ je ma amɛ nɛ a je o yi; ha nɛ je ma amɛ tsuo nɛ a je o yi!

⁶ Zugba a ba ní saminya. Mawu gbaa wɔ, wa Mawu ɔ gbaa wɔ.

⁷ Mawu gbaa wɔ; je ɔ tsuo nɛ a ye lɛ gbeye!