La 61 - BAIBLO ALOO NGMAMI KLƆUKLƆU Ɔ

Kue fami kɛ ha he bumi

¹ Mawu, bu ye ngmlaa a tue; moo nu ye kue fami ɔ.

² Ye mumi nya ngɛ tae. I ngɛ mo tsɛe kɛ je tsitsaa lokoo ngɛ je ɔ nyagbe he ɔ tɔɔ. Ngɔɔ mi kɛ ba mo, Mawu ɔ o ngɔ, konɛ ma na he jɔmi.

³ Ejakaa mo ji ye wesa he, ye mɔ nɛ he wa, he nɛ he nyɛlɔ ɔ nine be ye nɔ sue ngɛ.

⁴ Ha ma hi o we klɔuklɔu ɔ daa. Ma na he jɔmi ngɛ lejɛ ɔ kaa bɔ nɛ lohwe pɛlitsɛ kɛ e pɛli haa e bimɛ a nɔ ɔ.

⁵ Mawu, si nɛ i wo mo ɔ, nu, nɛ nihi nɛ yee mo gbeye ɔ a weto ní ɔ, o ngɔ kɛ ha mi.

⁶ Ha nɛ matsɛ ɔ wami se nɛ kɛ, nɛ e hi je mi kɛ yaa si yi nɔhi babauu.

⁷ Ha nɛ e ye tsɛ ngɛ mo Mawu ɔ o hɛ mi daa. Ngɔɔ o suɔmi nɛ be nyagbe ɔ, kɛ o we anɔkuale ɔ kɛ bu e he daa.

⁸ Kɛkɛ ɔ, imi hu ma la kɛ je o biɛ ɔ yi daa, nɛ ma ye ye siwo ɔmɛ a nɔ daa ligbi.