La 58 - BAIBLO ALOO NGMAMI KLƆUKLƆU Ɔ

Gbla yiwutsotsɛmɛ a tue

¹ Nyɛ, hɛ mi nyɛɛli, anɛ nyɛ woɔ mlaahi nɛ da lo? Anɛ nyɛ kojoɔ nimli adesahi bɔ nɛ sa lo?

² Dɛbi! Yayami nɛ nyɛ maa pee he nyɛ susuɔ, nɛ yi wu tso níhi nyɛ peeɔ ngɛ zugba a nɔ.

³ Yiwutsotsɛmɛ peeɔ yayami a wami be tsuo; kɛ je a fɔmi be ɔ, lakpa sɔuu a yeɔ.

⁴ Duɔ nɛ hyi a mi ɔ ngɛ kaa sinɔ duɔ. A tsiɔ a tue kaa sanga tuekpokutsɛ

⁵ nɛ nui kunya yelɔ ɔ gbi, loo e la ngɔngɔɛ ɔmɛ.

⁶ Yawɛ Mawu, nimli nɛ ɔmɛ ngɛ kaa jata awi yeli pɛ; ku a nya mi lungu ɔmɛ tsuo ngɔ pue he.

⁷ Ha nɛ a laa kaa pa nɛ ngɛ fae; ha nɛ a naa a nɔ kaa a naa nga gbigbli nɔ.

⁸ Ha nɛ a gbo kaa ahua nɛ ngɛ mɔsɔ wue kɛ bee. Ha nɛ a gbo kaa bi nɛ e fɔmi be sui nɛ a fɔ lɛ, nɛ e nɛ pu hɛ mi.

⁹ Loko a hɛ maa ba a he nɔ ɔ, a poo mɛ ngɔ pue he kaa nga. Mawu maa ngɔ e mi mi la a kɛ bɛɛ mɛ kɛ ho be mi nɛ a ngɛ hɛ ngmengmle.

¹⁰ Ke a gbla yayami peelɔ tue bɔ nɛ sa lɛ ɔ, ndalɔ a ma nya, nɛ e maa nyɛɛ yayami peelɔ ɔ muɔ mi kɛ be.

¹¹ Bɔ nɛ nimli adesahi ma de ji, “Niinɛ, ni nɛmɛ nɛ peeɔ nɔ́ nɛ da a, a naa hiɔwo kpakpa. Niinɛ, Mawu ngɛ, nɛ e kojoɔ je ɔ tsuo.”