La 54 - BAIBLO ALOO NGMAMI KLƆUKLƆU Ɔ

He bumi kɛ je he nyɛli a dɛ mi he kue fami

¹ Mawu, ngɔɔ o he wami ɔ kɛ kpɔ mi. Ngɔɔ o he wami kpetekpleenyɛ ɔ kɛ wo mi nguɔ!

² Mawu, bu ye kue fami ɔ tue, nɛ o nu ye munyu ɔmɛ!

³ Ejakaa ma je li ma mi tuami. Yiwutsotsɛmɛ ngɛ hlae nɛ a kpata ye hɛ mi; mɛɛ lɛɛ pi a he sane ko ji mo Mawu.

⁴ Se mo Mawu ji ye he piɛlɔ; Yawɛ, mo ji ye yi baalɔ.

⁵ Yayami nɛ ye he nyɛli ɔmɛ ngɛ hlae ha mi ɔ, Mawu, ha nɛ e kpale kɛ ba na mɛ nitsɛmɛ. Anɔkualetsɛ ji mo, lɔ ɔ he ɔ, kpata yayami peeli nɛ ɔmɛ a hɛ mi.

⁶ Ma je ye tsui mi faa ma sã bɔ ha mo Yawɛ; ejakaa e hi kaa ma pee ja kɛ na mo si.

⁷ O je mi kɛ je ye haomi ɔ tsuo mi, nɛ i na bɔ nɛ o ye ye he nyɛli ɔmɛ a nɔ kunimi.