La 53 - BAIBLO ALOO NGMAMI KLƆUKLƆU Ɔ

Adesa yi mi wa

¹ Kuasia lɛ deɔ ke, “Mawu ko be.” Mɛni he je ɔ mɛ tsuo a puɛ. Yayamihi nɛ a ngɛ pee ɔ ngɛ he mi nyɛɛmi saminya. Nɔ ko nɔ ko be nɛ peeɔ nɔ́ nɛ da.

² Mawu nɛ ngɛ hiɔwe ɔ ngɛ nimli adesahi tsuo hyɛe; e ngɛ hyɛe kaa e maa na nɔ ko nɛ le nɔ́; nɔ ko nɛ jaa lɛ Mawu ɔ lo.

³ Se mɛ tsuo pɛpɛɛpɛ a tla blɔ, mɛ tsuo pɛpɛɛpɛ a puɛ. Nɔ ko nɔ ko be nɛ peeɔ nɔ nɛ da; dɛbi; nɔ kake ngmelu po be!

⁴ Mawu ngɛ bie ke, “Ni nɛmɛ nɛ ngɛ yayami pee ɔ, a li nɔ́ lo? A ngɔ ojo fiami kɛ pee a nyangma. Se imi, a Mawu ɔ lɛɛ a ja we mi.”

⁵ Hyɛ mɛ nɛ sawale nu mɛ momo; nɔ́ ko kaa kikɛ nɛ ɔ bɛ hyɛ. Ejakaa Mawu ma sake yayami peeli a wuhi kɛ pue he, nɛ zo maa gbe mɛ kpɔtɔɔ. Mawu ma kua mɛ;

⁶ I ná nɛ a je Zion ba he Israel yi wami. Ke Mawu ha nɛ a kpale na a he ekohu ɔ, Yakob ma na bua jɔmi, nɛ Israel ma nya!