La 43 - BAIBLO ALOO NGMAMI KLƆUKLƆU Ɔ

Nɔ ko nɛ a nu lɛ kɛ ho ma se ya e kue fami

¹ Mawu lee! Hyɛ ye sane ɔ mi ha mi, nɛ o wo mi nguɔ. Jé mi kɛ je ma nɛ li mo ɔ a dɛ mi. Kpɔ mi kɛ je lakpatsɛmɛ, kɛ yayami peeli a dɛ mi oo!

² Ejakaa mo Mawu ji ye wesa he. Mɛni he je nɛ o kua mi? Mɛni he je nɛ yayami peeli maa hi mi yi mi wae, nɛ ma hi kɔmɔ yee kpamisa?

³ Ha nɛ o la a, kɛ o we anɔkuale ɔ nɛ ba esɔesɔ; ha nɛ a ba tsɔɔ mi blɔ, nɛ a kpaka mi kɛ ya Zion yo klɔuklɔu ɔ nɔ; a kpaka mi kɛ ya mo nitsɛ o we ɔ he nɛ o hii ɔ.

⁴ Kɛkɛ ɔ, ma ya su o bɔ sami la tɛ ɔ he, ngɛ mo Mawu, ye bua wolɔ nitsɛnitsɛ ɔ o ngɔ. Ma fia kpa saku kɛ je o yi, mo Mawu, ye Mawu.

⁵ Mɛni he je nɛ i pee vii kikɛ nɛ ɔ? Mɛni he je nɛ i ngɛ haoe kikɛ nɛ ɔ? Ma ngɔ ye hɛ kɛ fɔ Mawu nɔ! Ma je e yi ekohu. Lɛ ji ye kpɔlɔ; lɛ ji ye Mawu.