La 39 - BAIBLO ALOO NGMAMI KLƆUKLƆU Ɔ

Adesa wami ngɛ kpiti

¹ I de ke, “Ma hyɛ ye he nɔ saminya, konɛ i kɛ ye lilɛ ko pee yayami. Be abɔ nɛ i ngɛ yayami peeli a kpɛti ɔ, ma ma ye nya.”

² I ma ye nya, nɛ i pee dii kaa mumui; nɔ́ nɛ sa kaa ma de po, i de we. Se mohu ɔ, ye nɔ́ nami ɔ nya ba wa kulaa pe kekle ɔ,

³ kɛ ya si i pa li bɔ nɛ ma pee ha. Si abɔ nɛ i ngɛ ye yi mi susue ɔ, si abɔ nɛ i ngɛ haoe. Jehanɛ lɛɛ i ba tu munyu nɛ i de ke,

⁴ “Yawɛ, ma hi wami nɛ ɔ mi kɛ yaa si mɛni be? Mɛni be ma gbo? De mi, konɛ ma le kaa ye wami se be kɛe kulaa.”

⁵ Hyɛ kaa o pee ye wami be ɔ kpiti! Ye wami be ɔ tsuo pi nɔ́ ko kulaa ngɛ o hɛ mi. Niinɛ, adesa tsuo ngɛ kaa kɔɔhiɔ!

⁶ Ee, nɔmlɔ adesa ngɛ kaa nini; yaka dengme kɛkɛ lɛ e ngɛ gboe. E buaa níhi a nya, se e li nɔ nɛ ma ba ye.

⁷ Nyɔmtsɛ, lɛɛ mɛni i pa ngɛ blɔe mɔ? Mo, o nɔ lɛ i ngɔ ye hɛ kɛ fɔ.

⁸ Jé mi kɛ je ye yayami ɔmɛ tsuo a mi; ko ha nɛ kuasiahi nɛ a muɔ mi.

⁹ Ma ma ye nya nɛ ma pee dii, ejakaa mo lɛ o ha nɛ i na nɔ́ kikɛ nɛ ɔ nɛ.

¹⁰ Koo gbla ye tue hu; ye he wami ta! Bɔ nɛ o fiaa mi ní ɔ, e hiɛ!

¹¹ Ke o ka adesa hɛ mi, nɛ o gbla e tue ngɛ e he yayamihi a he pɛ o kpata e nɔ́ tsuaa nɔ́ hɛ mi pɛsɛpɛsɛ kaa bo nɛ wɔyewɔye ye. Niinɛ, nɔmlɔ adesa ngɛ kaa kɔɔhiɔ kɛkɛ.

¹² Yawɛ, i ngɛ kue fae kɛ ngɛ mo hae; i ngɛ mo tsɛe kɛ ngmlaa, kɛ ya; moo bu mi tue koo! Imi hu pe i ba to nubwɔ be kpiti kɛkɛ kaa ye nɛmɛ ɔmɛ nɔuu.

¹³ Ngmɛɛ ye he nɛ ma na bua jɔmi, loko ma je hiɛmɛ nɛ ɔ nɛ i pa be wami nɛ ɔ mi hie hu ɔ.