La 36 - BAIBLO ALOO NGMAMI KLƆUKLƆU Ɔ

Adesa yi mi wa

¹ Yayami kɛ yiwutsotsɛ tuɔ munyu ngɛ e tsui mi tɔɔ. Mawu gbeye yemi ko kulaa be e mi.

² E buɔ e he ní lelɔ, nɛ e susuɔ kaa a be e he yayami ɔ nae, nɛ a be e tue gblae hulɔ.

³ Munyu yaya, kɛ lakpa sɔuu lɛ jeɔ e nya mi. E li nɔ́ hu; e pa pee we kpakpa hu.

⁴ Ke e hwɔ si ɔ, nɔ́ yayami he ga lɛ e toɔ. E kpa we yayami peemi ɔ, e pee we nɔ́ kpakpa hulɔ.

Mawu mi mi himi

⁵ Yawɛ, o suɔmi nɛ be nyagbe ɔ kle agbo kaa hiɔwe ɔ tsuo. O we anɔkuale yemi ɔ ya suu bɔku ɔmɛ a he tɔɔ.

⁶ O kpakpa peemi ɔ kle kaa yo nguangua amɛ; o dami sane yemi mi kuɔ kaa wo. Yawɛ, mo lɛ o baa nimli, kɛ lohwehi tsuo a yi.

⁷ Yawɛ, hyɛ bɔ nɛ o mɔbɔ nami ɔ he jua wa ha! Adesahi tsuo ba saa we ngɛ o pɛli ɔmɛ a sisi.

⁸ O lɛɔ wɔ kɛ o we ɔ ní kpakpahi. O haa wɔ nyu kɛ jeɔ o pa nɛ ngɛ akɔnɔ ɔ mi lɛ wa nuɔ.

⁹ O mi lɛ wami tsuo jeɔ kɛ baa. O la a lɛ haa wɔ la.

¹⁰ Nihi nɛ le mo ɔ, naa mɛ mɔbɔ daa. Nihi nɛ peeɔ nɔ́ nɛ da a, mo hu moo pee mɛ kpakpa daa.

¹¹ Ko ha nɛ he nɔ woli nɛ naa ye nɔ; ko ha nɛ yayami peeli nɛ nyɛɛ ye se kɛ fo.

¹² Hyɛ, yayami peeli ɔmɛ nɔ si! A tsɛ̃ mɛ ngɔ ko si, nɛ a nyɛ we nɛ a te si hu.