La 32 - BAIBLO ALOO NGMAMI KLƆUKLƆU Ɔ

Yayami jajemi kɛ pami

¹ A gbaa nɔ nɛ a ngɔ e tɔmihi, kɛ e he yayamihi ngɔ pa lɛ.

² A gbaa nɔ nɛ Yawɛ nɛ yayami ko ngɛ e he; nɔ nɛ sisi we nɔ.

³ Benɛ i laa ye yayami ɔmɛ a nɔ nɛ i jaje we ɔ, daa nɛ ɔ, kɛmɛmi kɛkɛ i hii kɛmɛe; nɛ nɔ́ nɛ ɔ ha nɛ ye nɔmlɔ tso ɔ gbɔjɔ.

⁴ Mo Yawɛ, o gbla ye tue nyɔ kɛ pia, nɛ ye he wami tsuo ta kaa bɔ nɛ nyu taa pa mi latsa be mi ɔ.

⁵ Kɛkɛ nɛ i jaje ye he yayami ɔmɛ kɛ ha mo; i laa we ye tɔmi ɔmɛ a nɔ. I de ke, “Ma jaje ye tɔmi ɔmɛ kɛ ha Yawɛ”, nɛ mo hu o ngɔ ye he yayami ɔmɛ kɛ pa mi.

⁶ Lɔ ɔ he ɔ, e sa kaa o ni klɔuklɔu ɔmɛ tsuo nɛ a fa kue ha mo ngɛ a fimi behi a mi. Ke haomi ba babauu kaa nyu nɛ ywia nga po, e be a he sae.

⁷ Mo ji ye laami he; o jeɔ mi kɛ jeɔ haomi mi. Mo lɛ o po piɛ kɛ bɔle mi kɛ kpe, nɛ o ha nɛ i ye ye he.

⁸ Yawɛ ke, “Ma tsɔɔ mo blɔ nɛ o nyɛɛ nɔ. Ma tsɔɔ mo ní, nɛ ma wo mo ga.

⁹ Nyɛ ko pee nyɛ he kaa okpɔngɔ, aloo teji nɛ ja a ngɔ dade kɛ e he kpa wo e nya mi loko a ma nyɛ maa hɛɛ lɛ ɔ.”

¹⁰ Yayami peeli maa na nɔ́ wawɛɛ. Se nihi nɛ ngɔɔ a hɛ kɛ fɔɔ Yawɛ nɔ ɔ, mɛɛ lɛɛ Yawɛ maa na mɛ mɔbɔ daa.

¹¹ Nyɛ dali, nɔ́ nɛ Yawɛ pee ha nyɛ ɔ he je ɔ, nyɛ nya nɛ nyɛ bua nɛ jɔ nyɛ he. Nyɛ nihi nɛ nyɛ buɔ lɛ tue, nyɛ hwɔ lele.