La 3 - BAIBLO ALOO NGMAMI KLƆUKLƆU Ɔ

Mɔtu kue fami kɛ ha yemi kɛ buami

¹ Yawɛ, hyɛ bɔ nɛ ye he nyɛli hiɛ ha! Hyɛ kaa nihi babauu te si kɛ wo mi!

² Nɔ́ nɛ a ngɛ dee ji, “Oo, Mawu be e he piɛe fɛɛ!”

³ Se mo Yawɛ, o ngɛ kaa tsɛ̃i nɛ buɔ ye he daa. O woɔ mi mumi mi he wami, nɛ o woɔ ye hɛ mi nyami.

⁴ Ke i kpa ngmlaa kɛ tsɛ Yawɛ ɔ, e heɔ nɔ ngɛ e yoku klɔuklɔu ɔ nɔ.

⁵ I hwɔɔ si nɛ i hwɔɔ mahe, nɛ i teɔ si ekohu, ejakaa Yawɛ buɔ ye he.

⁶ Ke nimli akpeakpe abɔ ba sa ye yi kɛ kpe po, i yi mɛ gbeye.

⁷ Yawɛ, ye Mawu, ba he ye yi wami koo! Ejakaa mo lɛ o ma nyɛ maa fia ye he nyɛli ɔmɛ tsuo ní. Mo lɛ o ma nyɛ maa gbla a tue nɛ a be nyɛe maa pee mi nɔ́ ko.

⁸ Yawɛ, mo ji wa yi wami helɔ; moo gbaa o ma a koo!