La 25 - BAIBLO ALOO NGMAMI KLƆUKLƆU Ɔ

Yawɛ, moo bu ye he

¹ Yawɛ, mo lɛ i ngɛ kue fae kɛ ngɛ hae.

² Ye Mawu, i ngɔ ye hɛ kɛ fɔ o nɔ. Ko ha nɛ ye hɛ mi nɛ pue si; ko ha nɛ ye he nyɛli nɛ ye ye hɛ fɛu.

³ Nihi nɛ ngɔ a hɛ kɛ fɔ o nɔ ɔ, ko ha nɛ zo nɛ gbe mɛ. Ha nɛ nimli yayamihi, kɛ yakayaka nimli mohu a hɛ mi nɛ pue si.

⁴ Yawɛ, tsɔɔ mi o blɔ ɔmɛ; Yawɛ, ha nɛ ma le o blɔ ɔmɛ.

⁵ Tsɔɔ mi nɛ ma hi si ngɛ o we anɔkuale ɔ nya, ejakaa mo Mawu ɔ ji ye yi wami helɔ. Daa nɛ ɔ, o nɔ lɛ i ngɔɔ ye hɛ kɛ fɔɔ.

⁶ Yawɛ, kai kaa o mɔbɔ nami, kɛ o suɔmi nɛ be nyagbe ɔ ngɛ kɛ je blema lokoo.

⁷ Yawɛ, yayamihi nɛ i pee, kɛ tɔmihi nɛ i tɔ ngɛ ye nihe mi ɔ, ko kai hu. Mohu ɔ, o suɔmi nɛ ngɛ daa, kɛ kpakpa nɛ o peeɔ he je ɔ, o hɛ ko je ye nɔ.

⁸ Akɛnɛ Yawɛ hi, nɛ e da he je ɔ, e tsɔɔ yayami peeli blɔ nɛ sa kaa a nyɛɛ nɔ.

⁹ Nihi nɛ baa a he si ɔ, Yawɛ tsɔɔ mɛ e blɔ ɔ, kɛ bɔ nɛ sa kaa a ba a je mi ha.

¹⁰ Nihi tsuo nɛ yeɔ Yawɛ somi ɔ, kɛ e mlaa amɛ a nɔ ɔ, Yawɛ naa mɛ mɔbɔ, nɛ e yeɔ mɛ anɔkuale.

¹¹ Yawɛ, ye o siwo ɔ nɔ, nɛ o ngɔ ye yayami ɔmɛ kɛ pa mi; ejakaa ye yayami ɔmɛ hiɛ babauu.

¹² Nihi tsuo nɛ yeɔ Yawɛ gbeye ɔ, Yawɛ maa tsɔɔ mɛ blɔ nɛ a nyɛɛ nɔ.

¹³ A he mi maa jɔ mɛ, nɛ a nina maa ngɔ zugba a kaa a weto ní.

¹⁴ Nihi nɛ yeɔ Yawɛ gbeye ɔ, Yawɛ kɛ mɛ maa nu huɛ; nɛ si nɛ e wo ɔ, e ma je kpo ngɔ tsɔɔ mɛ.

¹⁵ I hyɛɛ Yawɛ yemi kɛ buami blɔ daa; ejakaa lɛ nɛ jeɔ mi kɛ jeɔ haomi mi.

¹⁶ Yawɛ, ba nɛ o ba na mi mɔbɔ; ejakaa nɔ ko be mi, nɛ ye ní ngɛ mɔbɔ.

¹⁷ Mo je mi kɛ je ye haomi ɔmɛ a mi; ha nɛ ma jɔɔ tsui yemi.

¹⁸ Hyɛ ye haomi ɔ, kɛ ye nɔ́ nami ɔ, nɛ o ngɔ ye he yayami ɔmɛ tsuo kɛ pa mi.

¹⁹ Hyɛ ye he nyɛli a hiɛmi babauu! Hyɛ kaa a ngɛ mi nyɛe kadikadi.

²⁰ Bu ye he, nɛ o he ye yi wami. Ko ha nɛ ye hɛ mi nɛ pue si, ejakaa o ngɔ nɛ i ba sa we ngɛ.

²¹ I ngɔ ye hɛ kɛ fɔ o nɔ, nɛ́ o bu ye he. Ha nɛ ye he nɛ tsɔ, nɛ ma ye anɔkuale kɛ pi si.

²² Mawu, mo je o ma Israel kɛ je a haomi ɔmɛ tsuo a mi.